鄭裕玲向陸永請教影相技巧拜錯師:原來我呢世人都唔識影相!

撰文:董欣琪
出版:更新:

今時今日去旅行打卡影相已經是指定動作,但除了要識擺Pose之外,影相技巧都必不可少。最近鄭裕玲(Do姐)與農夫齊齊出埠拍攝新節目《Do姐晚間看地球》,一向鍾意影靚相同大家開心Share的Do姐,趁機向「攝影大師」陸永學習攝影技巧,點知最後陸永的「大作」就令她唔知好嬲定好笑!

鄭裕玲(Do姐)與農夫日前出發倫敦拍攝節目《Do晚間看地球》。(IG/@do_do_cheng)

Do姐與農夫這個組合每次聚頭都火花十足,充滿笑料。日前三人出發倫敦拍攝節目,Do姐在IG上載了兩張照片,相中的陸永和C君都非常專注地看電子書,她也大讚兩位後輩非常好學。昨晚(5日)再在IG Post了幾張相,透露這次他們會走訪幾個國家拍攝,所以她都想把握機會影多啲靚相同大家分享,但自覺攝影技術一般,於是決定拜陸永為師:「因本人攝影技術有限,好彩同行有學過攝影的@6wing_fama(陸永)。我請求陸大師指點,陸大師也悉心教導,循循善誘。」相中Do姐與陸永拎住相機,非常認真。

陸永好認真教Do姐影相。(IG/@do_do_cheng)

不過最後「陸大師」親自示範的作品,似乎就令Do姐大失所望,皆因擔任Model的Do姐,在倫敦橋的襯托下完全看不清樣子,因為陸永竟然將Focus放在Do姐身後的景上,而相中的Do姐就Out晒Fo,搞到她忍不住稱:「原來我呢世人都唔識影相!Focus是要放在後面的,這樣相中人才有朦朧美!此種攝影方式相當難掌握,本人正在努力學習中!在此多謝陸大師賜教!」

呢張相就係陸永嘅大作,個景就影得好清楚,不過Do姐out fo!(IG/@do_do_cheng)

不少網民都大讚Do姐幽默感十足,而陸永也有留言為自己的作品解畫:「言重了,失禮失禮。作為攝影家,聽從被拍者嘅意見有時都幾重要,當你猛話幫我影條橋,影條橋,呢張相就自然而生了。」想不到這張相背後有一段故事,相信Do姐與農夫這個旅程一定十分精彩,大家都好期待節目正式播出!

C君擺酒會不會請太多圈中人,不過唔請Do姐唔得。(IG/do_do_cheng)
+10