【逃犯條例】陳家樂IG連呻失眠︰早排都有啲唔開心嘅報道影響心情
撰文:李婉文
出版:更新:
陳家樂(Carlos)周四(20日)出席「Tvb Amazing Summer」記者會,為有份拍攝的綜藝節目《12個夏天》宣傳。節目中,他會夥拍連詩雅(Shiga)到韓國濟州島旁的本島體驗生活,有到農地耕田﹑養牛場學養牛和出海捕魚等工作。他直言︰「好鍾意呢個體驗,因為平時去旅行,去啲城市,可能自己一個或者同班朋友都好容易做到,但呢啲拍攝上安排比我哋嘅經歷都真係千挑萬選。」
近來Carlos在IG常常有指自己失眠,他解釋是因為生活忙碌和擔心自己的前途。碰巧現時政府因為修訂《逃犯條例》而引起軒然大波,被問到會否是關心香港的情況,他指︰「咁早排都有啲唔開心嘅報道睇到,都有影響心情,但係都過咗去,希望盡快復返正常。」