【港姐2019】馮盈盈重提當年參選被誤會為港大校花:Mina先至係

撰文:賴家杰
出版:更新:

TVB綜藝節目《娛樂大家》今天(25日)進行錄影,不過在錄影前,客席嘉賓麥明詩(Louisa)竟然腳部受傷,需要立即叫駐台醫護人員包紮,馮盈盈也在現場顯得十分擔心。十分鐘過後,Louisa由工作人員扶出來跟大家說一聲是小傷:「其實啱啱喺化妝間行出來唔小心扭傷隻腳,不過都係一啲舊患。因為早兩日我就去咗滑水,我又唔係好識滑水已經扭傷咗。」

Louisa希望以後自己會小心一點,不要受傷,如果有男生照顧她會更加好。(梁碧玲攝攝)

另外昨天是《香港小姐2019》的首輪面試,Losuia和盈盈也是香港小姐出身,自然有關注昨天佳麗的質素,Louisa說:「每年我都好留意,特別今年有一位狀元,大家都係Facebook Tag我。而其他面試佳麗,佢哋都好勇敢嚟參選,都好期待會見到佢哋,因為之後我會同佢哋出外景。」

馮盈盈笑言自己也選完港姐已經幾年,想不到還有這麼多朋友來選美。(梁碧玲攝)

而其中面試佳麗之一Mina在會見傳媒時說是馮盈盈的朋友,讀書時期更一起參加過選美比賽,盈盈笑言:「佢同我都係同一間大學同一個學系,不過佢好謙虛,話同我係同學,嚴格來說我要叫佢一聲師姐,因為佢大我一年早過我畢業。我同佢讀書時候都有來往,一齊參加過模特兒活動。佢讀書時候都係校內風頭躉,佢讀書參加大專學界舉辦校花校草比賽,仲贏埋,我當初來參選有人話我係港大校花呢個美譽,我都答過係誤會,因為Mina先至有呢個港大校花美譽。」

馮盈盈師姐Mina日前參加2019香港小姐競選首輪面試,樣子甜美即成大熱。(資料圖片)