【尋常心】黃秋生接受開電視訪問講演出原因：同演戲一啲關係都冇
撰文：秦志鴻
出版：更新：
黃秋生、梁祖堯和徐天佑接受香港開電視節目《娛樂頭條E-news Headline》主播馬梓軒（William）專訪，他們主演的舞台劇《尋常心》下月公演，秋生笑言當初是一口答應阿祖參演：「第一我冇嘢做，加上年紀大，年年都要郁吓個腦呀嘛！第二係信得過阿祖，第三係得知英國導演執導，可以免費學英文，所以同演戲一啲關係都冇！」
秋生話今次演戲嘅原因同演戲無關，好複雜。
劇中秋生和阿祖飾演兩兄弟，而阿祖角色性格衝動，秋生坦言自己現實中更像阿祖的角色：「我咪就係咁衝動！我啲仔全部都頂我唔順，到宜家都係，會成日同我講唔好咁啦，冷靜啲，唔好咁衝動，幾廿歲啦嘛！」
四個男人傾得好開心。
秋生好奇天佑如何扮Hehe 阿祖：李華月你都搞得掂啦！
至於阿祖和天佑在劇中飾演一對同志戀人，天佑笑稱平日生活與阿祖也很親密，但對於演同志角色，秋生則大感出奇：「我就唔得啦，我都好想知你點得！」阿祖說：「李華月你都搞得掂喎！」秋生即反駁：「李華月起碼係個女人！其實我年青時都花咗好多時間去諗呢樣嘢，終於發現原來自己係冇軟件嘅機器，即係我明明係收音機，我點會有畫面啫！」