【Ben Sir睇樓團】撇甩林穎彤 歐陽偉豪帶陸浩明「了解」紅燈區

撰文:賴家杰
出版:更新:

由歐陽偉豪(Ben Sir)主持的TVB綜藝節目《Ben Sir睇樓團》已經拍攝到第三季,一班主持更帶大家到了泰國和日本搵樓。他表示最好笑部份,反而是與陸浩明闖進大阪的紅燈區:「今次去到當地係唔能夠拍攝呢個紅燈區,因為要保護日本小姐,咁我同陸浩明用醫者父母心帶林穎彤去見識下。不過之後我哋就踢走咗林穎彤,同陸浩明兩個人行紅燈區,去了解當地文化。」

Ben Sir唔怕喺紅燈區畀人認到,因為只係用眼望,沒有做出其他行為。(陳志嵐攝)

Ben Sir對這個節目有一個情意結,希望將來能衝出亞洲到歐洲拍攝。不過每一集都有不同Ben女郎出現,元祖的便是麥美恩和林穎彤,至於再有新一季的話再挑選那個美女,Ben Sir指還沒有想法:「呢個我冇特登去諗,但都要搵到一個地方再挑選。不過我哋節目仲有靚仔睇,想睇才華同睇靚女都有,會滿足大家。」

收視方面Ben Sir指他控制不了,當然希望會好。(陳志嵐攝)