【她她她的少女時代】林凱恩係理想女友?真相係:我對男朋友會惡

撰文:李婉文
出版:更新:

林凱恩(Iris)周一(26日)出席無綫劇集《她她她的少女時代》宣傳活動,劇集中她飾演田蕊妮的養女張晴,她自言角色對她來說也是一個挑戰,她說:「因為劇集入面係做阿田個女,同埋同唔同前輩都有對手戲,所以都係一個挑戰。」而且她也面對一定的壓力,所以拍劇前做足準備也是必要的。

Iris指最開心是作品能感動到觀眾。(陳順禎攝)

Iris在網上討論區的人氣不錯,網民大讚她「gfable」(適合做女友)和演技有進步,Iris原來也有留意網民的意見,她指:「多謝咁多位網民嘅支持,我自己都知道我仲有好多進步空間嘅,好多時佢哋都會令我知道自己有咩要留意,除咗好嘅,好多都係彈嘅,負評嘅,我自己會覺得好多謝佢哋會留意呢個人,我最開心就係可以感動到佢哋,投入到去裏面,咁我就真係覺得自己進步咗。」

劇中Iris有不少「喊戲」,她在拿捏這部份方面,就有一些心得,她說:「因為張晴呢個女仔同現實好多少女都好似,我相信現實好多仔女都會同媽咪有嗌交,所以我有時就會諗返同媽咪嘅一啲點滴,咁我就放返入去,咁我就可以跟住個flow去喊。」(陳順禎攝)

作為不少網民的「理想型」,Iris卻是單身,她笑指:「呢啲就唔好講啦。」被問到擇偶條件是什麼,她說:「專一,同埋需要忍受到我嘅性格,我性格上面對朋友就好好嘅,可能有時對男朋友會惡嘅,希望佢可以好似腍啲,剛柔並重少少。」(可以畀你佮?)「係啦,可以畀我佮,但係我又會覺得佢好man咁樣囉,出面我可以畀面佢,裏面就要佢忍我少少、𠱁我少少。」