【專訪】詹朗林原本是金融才子 30歲入娛樂圈無懼機會比年輕人少

撰文:賴家杰
出版:更新:

詹朗林(JJ)是ViuTV旗下藝人及主持人,令人熟知的是他主持的靈異節目《晚吹-總有一瓣喺左近》,為何會令人熟悉,主要原因是他其實有一種特別體質,容易感受到鬼魂的存在和看到人的顏色,所以在節目中要求他去做一些靈探事情。甚至因為這種體質,在他人生發生過不少奇奇怪怪的神秘事件,輕則令他諸事不順,重則斷腳收場,更連累身邊人出事?在工作方面JJ原本是從事金融行業,他亦大方承認自己是金融才子,在賺錢能力方面可能比起他現在做藝人更高,至於為何會放棄高收入加上人過30歲後才投身演藝圈?

JJ令觀眾記得他應該是這幾年的事情,他30歲後才開始接觸主持和藝人工作,所以年資不是太深。其實投身娛樂圈只是機緣巧合下,原本他是任職金融行業,這工作令他壓力很大,所以期間放了半年假,在做義工時候令到他開始接觸這個行業。JJ現在賺的錢比起他在做金融時候少了很多,金錢賺多賺少對他影響其實不大,最重要是能拿到一個平衡。「我好Enjoy依家嘅工作,我係娛樂圈工作嘅時候感覺到好輕鬆,可以畀到我有一個平衡。我係做金融工作之餘,畀到我做一啲我自己真係想做嘅事。」

JJ有靈異體質,可以感受到靈體同睇到顏色。(梁碧玲攝)

30歲後入行 機會並唔會輸畀後生仔

剛在上段文章提到他是30歲打後才進軍娛樂圈,其實娛樂圈當然是趁著年輕入行,才會有更多機會。而JJ對於30歲才入行表示影響不大:「依家其實興中年大叔嘛,咁我就未到中年嘅。我其實拍攝嘅時候大家都睇唔出我幾歲,我都覺得OK呀,老年又得,中年又得,扮小朋友飲檸檬茶都得。其實好多人都會搵我做主持多,但我又想試吓多啲事,加上我畀人感覺係好Mean,同埋轉數好快,所以工作上托賴啦。」

JJ希望能在做演員方面可以有更多挑戰的事。(梁碧玲攝)

靈探導致斷腳

剛入行時候JJ是做Now Tv的娛樂新聞主持,其後逐漸接觸節目主持及拍劇拍電影。要說觀眾在電視螢幕上常見到他的蹤影一定是靈異節目《晚吹-總有一瓣喺左近》,JJ本身就具有靈異體質,只要用心感受,便能發現靈體,所以在節目中除了會分享他有這種能力之外,節目中更要求他靈探、譬如說要他玩碟仙、請神、遊地獄等。做過以上事情結果令到他本人也出了意外和失眠,「其實呢半年結果令我出咗事,我要搵師傅處理,搵咗兩位師傅前前後後處理左3個月,當時係有報道。」

JJ擔任靈異節目《晚吹-總有一瓣喺左近》,這節目令到更多人認識他。(梁碧玲攝)

靈修保護措施不足 招惹過世喇嘛寄居

其實他本人原先也沒有為意自己因為節目原因「出事」,只是覺得是諸事不順而已,直到有次身邊親人遇上靈異事件,找師傅幫親人處理時候,發生了一件令他驚訝的事情,他說:「我有一個好好嘅屋企人身體突然出事,又神智不清。我哋屋企人當然擔心,有次佢屋企人打畀我,咁就夾手夾腳搵人捉佢落樓啦。最後尾搵師傅處理啦,整完後我就打算走,師傅喝住我,叫我唔走得,問我知唔知有嘢跟住我。咁我就入定感覺到話係咪門口後面有『人』跟住我啦,在場嘅人見到我咁講都好驚,因為我會Feel到靈體同埋見到一個人嘅顏色。之後師傅同我講話其實仲有一個跟住我。我好記得佢突然好惡叫我Feel下仲有冇『人』跟住我畀佢睇,咁我即刻靈修入定,師傅突然大叫,係咁拍我個頭同念經,個一刻我真係好驚,但又唔知驚咩。如是者10分鐘後師傅變返正常聲音,同我講暫時會冇哂呢種能力,佢話我呢種能力唔係自己修返嚟,係別『人』畀我。後尾了解返原來係我靈修過程中冇做好保護,因為靈修過程中有靈體俾我吸引到,然後入咗我到。到第二位師傅同我講呢位靈體原來係死咗好多年嘅喇嘛,但佢又未夠道行去超脫到另外一個層次,咁我打坐靈修時候會播梵文,係個時候吸引到佢寄居我身體。所以我呢半年不停失眠。」

JJ雖然30歲後入行,但工作機會方面還是蠻多的。(梁碧玲攝)

唔想做靈異主持做到被定型

鬼神之說信則有,不信則冇,純屬個人自由,但是只要抱著敬畏之心,其實不會突然有靈體害人的想法。同時JJ感恩這節目令到有更多的人認識他,曾經在街上被人認出說他是撞鬼的那一個人,除此之外有電台亦會邀請他去分享這些異靈經歷。可是做藝人最怕就是定型,然而跳出這個「型」也不是一件容易的事情,所以在主持和藝人身份,JJ毫不猶豫地選擇藝人,「其實我當然想做藝人,因為藝人可以嘗試更多唔同嘅事情。好似上個月我都係國內拍咗第一套電影,都係飾演男二,所以有工作可以快啲搵我。」

+17