羅冠蘭入行逾30年演技超班 曾因拍劇主動教戲惹不快:唔講邊個喇

撰文:賴家杰
出版:更新:

資深演員羅冠蘭今天(5日)出席TVB舉辦的《9月星辰》活動,本月生日的她並沒什麼生日願望,因為她差一點都記不起這個大日子:「如果今次唔係公司寄呢個生日派對邀請卡畀我,我都唔記得自己生日。咁我都冇乜諗有咩意義嘅諗法想去做,而家呢啲咁嘅時候我希望寧靜(日子)快啲返嚟。」

冠蘭姐除了回來參加生日聚會,她今天回來是跟TVB簽合約,再回TVB拍劇。(梁碧玲攝)

曾因「教戲」收負評 少出句聲反令人誤會唔肯教

冠蘭姐入行至今已經超過30年,一直以來,她的演出主要在劇場界,舞台劇作品超過一百部,相比之下,拍戲拍劇的數量不算很多,此外,教育也是她的主要工作,以往她曾任香港演藝學院副教授和無綫藝員訓練班導師多年,桃李滿門,而在舞台劇界更是廣受歡迎,尊敬有加,人人都稱呼她為「Miss Lo」,不過原來冠蘭姐曾因為「教戲」而收負評:「我遇過一啲學生佢哋好長情同念舊,但我都遇過好多唔記得我係邊個。咁呢個位我想澄清,我基本上拍戲落廠,有後生演員的話,我係好少出聲教,結果旁觀者見到會話我唔肯教人,其實唔係,我試過有幾次主動去教,有個仲係我以前學生,主動同佢講佢嘅問題,但佢哋唔太高興,係邊個就唔好講。咁我會覺得真係想演成點自己會嚟問,而我主動畀意見未必嗰個鍾意,所以我保留咗。」

冠蘭姐對上一部在TVB拍攝的劇集便是《牛下女高音》,受到「安心事件」拖累,此劇原本是重拍,但很多演員的檔期夾不了,所以放棄,不過近期有傳聞指此劇會「重出生天」。(資料圖片)

暗諷有人唔識貨? Miss Lo:我唔係啲乜哥乜姐!

冠蘭姐發覺主動教人做戲會有人令人反感之餘,她更說有一個問題一直存在:「其實佢哋(演員)係睇人嘅,如果你係一啲好出名嘅演員,佢哋就會好開心話你聽乜哥乜姐教佢好多,咁我唔係出名嘅人,我係一個老師,我教佢佢可能唔認為值得講。我直頭覺得如果你要請教,大把阿哥阿姐俾佢請教啦,我何必自己去提出意見去教令人唔鍾意呢?所以會形成人哋話我點解唔肯教人呢?我話唔係,大家一齊研究我好樂意,但如果話好似以前咁傻主動去教呢?我諗年代唔同咗了。」冠蘭姐無論在舞台劇和電影界都曾經榮獲獎,包括《香港舞台劇獎》「劇后」,以及《香港電影金像獎》最佳女配角,連國外多個影展也有不錯成績,不知道那些「厭棄」冠蘭姐教做戲的演員會否後悔呢?

雖然曾有教導演員做演戲有不愉快事發生,但冠蘭姐指當然有很多好學生令她感動,有一部份現在還繼續和她保持聯絡。(梁碧玲攝)