葉蘊儀擔心身體健康? 直認每日戴口罩出街:而家咁多病!

撰文:葉詩
出版:更新:

ViuTV周三(9日)舉行2020年節目發布會,有份出演電視劇《娛樂風雲》的葉蘊儀(Gloria)談到久違拍劇正在處於Warm up的狀態:「幾年冇拍都需要時間Pick up,玩下幾集都OK嘅。」問到會否希望在下個作品擔當主角,她說:「我冇諗到做唔做主角,對於我嚟講演繹一個角色係唔係主角唔重要。」

拍攝《娛樂風雲》電視劇重遇很多曾經一起合作的演員,葉蘊儀表示高興。(葉志明攝)

提到近月社會、政治爭議不斷,葉蘊儀亦很關心相關事件,她說:「每一個香港市民都會關心香港嘅動態,唔係淨係我一個。」對於近日香港政府發布禁蒙面法,Gloria說:「我每一日都會戴口罩、戴帽出街,如果警察查我嘅時候,我都會畀身份證佢查。(會否擔心個人安全?)我諗視乎自己情況,例如而家咁多病,又伊波拉病毒、又禽流感,小朋友真係要注意下。」問到頻頻發聲會否擔心影響工作,她說:「其實我主要講我關心嘅議題,例如:小朋友、女性,如果呢啲都同政治有關,其實我哋就係生活在充滿政治嘅社會,有多過三個人嘅地方就有政治。」