唐詩詠忙餵奶冇時間識男仔拍拖：每日6點起身，好似奶媽咁
撰文：林迅景
出版：更新：
唐詩詠（Natalie）今日（20/10）出席沙田馬場的「時尚煲呔賽馬日」，一出場就成為了全場焦點，不過穿著清涼的她就明顯清減了不少。她接受傳媒訪問時，就解釋道，是因為最近收養了三隻貓BB，忙於準時餵奶所致。她說：「BB貓差唔多兩個月大，所以每日都要朝早6點起身。而家我養三隻貓，每日都輪住餵佢哋，好似奶媽咁。」
唐詩詠（Natalie）真係專業貓奴。（IG@natalietong53）
她更透露自己目標是再多養4至6貓，成為「專業貓奴」，而當記者問及會否因為養貓而無閒暇拍拖時，她就笑言：「係咪生BB？我覺得如果生埋小朋友就完全冇時間，其實隻貓係陸永太太畀我。（唔叫陸永介紹男仔畀你？）信得過佢哋咩？我信唔過。」她又說早上要兼顧化妝Set頭，又要餵貓BB奶，十分繁忙，更笑說貓BB佔去了自己大部分時間，沒時間認識新朋友。她被問到對將來男朋友的要求，就說：「要問我三隻貓，一定要鍾意貓，試過帶個男仔返屋企，我Feel到老嗰隻貓『銀仔』唔鍾意，所以一定要佢哋鍾意。」
唐詩詠清減了不少。（梁碧玲攝）
+4