落選港姐蔡嘉欣火速上位做主持 應屆冠軍黃嘉雯：有啲羡慕
撰文：吳子生
出版：更新：
應屆港姐冠軍黃嘉雯（Carmaney）今日（22/10）出席在將軍澳舉行的TVB52週年明珠台《台慶鉅獻》精彩猛片造勢活動。提到睇戲Carmaney就話任何類型猛片都鍾意睇，惟獨唔睇鬼片：「以前讀中學嘅時候就好鍾意睇鬼片，但而家就唔會睇啦，因為成日都只得自己一個，自己會覺得好驚，以前細個就覺得好刺激， 無理由而家畀錢去自己嚇自己啦！」
Carmaney自言細個喜歡睇鬼片，但長大後覺得無理由畀錢睇鬼片自己嚇自己。（陳順禎攝）
對於落選港姐好姊妹蔡嘉欣閃速簽約無綫，並獲安排擔任節目《姊妹淘》做主持，Carmaney就話：「見到佢咁快可以做主持都有啲羨慕，不過明白啱啱當選完港姐有任務在身，所以會有啲唔同，同時希望參選完華姐後，可以參與不同嘅劇集或主持嘅工作，自己就想拍旅遊節目多啲，因為自己本身都鍾意去旅行。」