【開心速遞】細龍太陳偉琪醉駕後首現身:我做咗一個愚蠢決定

撰文:賴家杰
出版:更新:

【開心速遞】陳偉琪為醉駕公開道歉:飲酒揸車點都係錯

陳偉琪今日為《開心速遞》開工,所以穿上戲服交待醉駕事件。

「細龍太」陳偉琪(Vicky)早前(25日)涉酒後駕駛被捕,事後她很快在instagram留言認錯並公開道歉。事發至今,在今天(28日)她在TVB裡舉辦記招回應此事,大約下午1時30分,陳偉琪現身於TVB,未公開回應前,她先接受無綫娛樂新聞台訪問:「其實都冇得再擔心,因為真係做錯咗,真係好對唔住所有影響過嘅人,呢兩日喺屋企閉關反省,做錯嘢影響屋企人、劇組,對唔住,身體冇大礙,多謝大家關心。」至於工作方面,網友擔心細龍太從此消失《開心速遞》,她亦有補充:「有好多人想多謝,件事發生咗之後,好多人關心畀機會我,多謝珍姐、祥仔、監製畀機會我,暫時未受影響,佢哋教我處理事情同問候我,仲要多謝同劇組嘅大小姐(林淑敏)、送水輝(許家傑)、細龍生(鄭世豪),佢哋好維護我好支持我,好感動,好多記者朋友都保護我同屋企人資料,正面報道同畀我解釋,好對唔住屋企人,之前諗住車佢哋周圍去,而家要阿媽車我。」

陳偉琪亦向大家承諾會戒酒,「我知錯,嚟緊工作會努力面對,希望做番好每一個角色,盡量透過《愛‧回家》劇組帶多啲正能量畀大家,希望睇到進步嘅我。」問到怕唔怕形象影響劇集收視?她口窒窒說:「我擔心自己真係影響到大家,而家只可以講sorry,我係做咗一個愚蠢決定,影響到公司同屋企人,真係想同大家講對唔住,特別對唔住幾位拍檔。」