張曦雯忙到連IG Folloers破50萬都唔知 預告會放性感照報答粉絲
撰文：賴家杰
出版：更新：
張曦雯（Kelly）今天（3日）以「莎莎婦女銀袋日」大使出席這個活動，此次能擔任這個大使，Kelly直言：「其實呢個活動一年一次，真係好開心，又可以扮靚。我今次係廣告做女騎士影相已經好開心，當時我望到張相話如果係一幅油畫就好啦。點知大會真係好錫我，送咗一幅油畫去我屋企，每日望都好開心，雖然好似好自戀。」
Kelly笑言這幅畫會Keep到她老去，讓以後的子孫能看。（梁碧玲攝）
Kelly近年來人氣急升成為TVB搶手小花，劇集一部接一部，成功俘虜不少粉絲。最近她IG追蹤人數衝破50萬，但由於她最近一直在拍劇，自己並沒有很留意，「呢排真係好忙，要拍劇，但都吸到咁多粉絲，真係好多謝大家。咁我會繼續同大家分享我生活有趣嘅事。（Show性感相答謝？）冇時間呀，通常呢啲相都係去旅行先影，但我都冇時間放假，遲啲補返畀大家。」