火箭少女Sunnee chok爆粉紅色西裝造型　竟與Pokemon波波球撞樣？

中國女子偶像組合火箭少女成員Sunnee（楊芸晴）10日出席騰訊PCG活動，獻唱她個人EP中的首支單曲〈Sunny〉，被捕捉到在後台等候時的小表情與可愛Look。

只見畫面中Sunnee身穿粉紅色西裝，右手拎住支咪於後台等待期間，一時靠埋牆嘟起個嘴，一時又在牆後面裝裝吓，笑到見牙唔見眼。網友初初睇都只係覺得可愛，點知越望越覺得「硬係熟口熟面」。

直到有人貼出Pokemon中全身粉紅色的圓碌碌精靈「波波球」，大家即刻叮一聲，真的有啲似。網友即刻精準配圖，Po出波波球一樣手拎住支咪，由又傻又懵的表情轉為皺眉嘟嘴的相做對比。更啱嘅係，波波球拿手技能就係唱歌，與熱愛唱歌的Sunnee不謀而合。