【究竟食咗乜】黃秋生赴意大利炮製人肉叉燒包 搓麪團攰到皮都甩

撰文:林迅景
出版:更新:

ViuTV近期推出了不少好睇又好笑的作品,除了令萬千宅男期待,即將播出的煮食比賽《辣火頭》外,其實《萬人幫拖開個唱》、《港男入贅手冊》等綜藝真人騷都獲得非常好的口碑。下週一(10/2)起,除《辣伙頭》外,ViuTV更會播出由被喻為「被演藝事業耽誤的美食家」黃秋生以及被他稱為「香港第一廚師」的好友張錦祥(Ricky)主持的飲食節目《究竟食咗乜》,實在令人期待萬分。

好彩秋生冇加菠蘿喺Pizza上面。

節目中,秋生與Ricky就會到訪意大利各區,品嚐傳統意大利菜之餘,還帶同了香港的調味少料,如豉油、老抽、蠔油等等,配合當地食材創造的意大利版的「豉油西餐」。週一首集,他們就到了拿坡里,跟意大利Pizza師傅Peter學整著名的拿坡里傳統薄餅Margherita。

咁先係正宗Pizza:【究竟食咗乜】黃秋生赴意大利搵食 正宗Pizza點解唔落得菠蘿?

黃秋生製造的「人肉叉燒包」,一試難忘?

不過58歲的黃秋生在搓麪團時,就十分力不從心,進度大大落後Ricky。Pizza師傅Peter見到都忍不住問:「How are you doing?(你還好嗎?)」,出盡力的黃秋生笑言自己「Still alive」。之後秋生更將手上的麪團搓成一個叉燒包,並笑指這是一個「human meat bread」(即是人肉叉燒包)。工作完成後,他即笑言:「攰到皮都甩,返去要即刻訓教」。