【流行經典50年】歌聲被網民封新魔音 何依婷:好慘呀俾人咁講

撰文:吳子生
出版:更新:

何依婷日前孖住黃子恆亮相《流行經典50年》合唱《現代愛情故事》經典合唱名曲,被網民負評唱得比李佳芯還要難聽,被封為「新魔音」。何依婷今日(27/4)出席《機場特警》結局篇宣傳造勢活動時心感到委屈:「好慘呀!畀人咁講,其實我上呢個節目之前時間好緊迫,我只有一個星期時間去準備,於是我搵咗歌唱老師密集式學咗三堂,我先敢上呢節目唱歌,講真如果我冇學,我諗都出唔到街,原來佢哋覺得我係魔音,咁我以後都唔唱喇,所以日後如果要唱,我諗學三堂係唔夠,起碼真係要學返十堂先敢出返嚟獻唱,講真自己都覺得唱歌係難。」

何依婷揀男友會以性格人品為擇偶先決條件。(陳順禎攝)