同鄧萃雯好陌生? 黎耀祥:對完劇本就走,唔會傾多幾句

撰文:鄺鈺瑩
出版:更新:
《巾幗梟雄》拍攝時間長達三個多個月,有大量對手戲嘅鄧萃雯和黎耀祥卻未有因而變得好傾。(網上圖片)

鄧萃雯和黎耀祥2009年及2010年先後合作《巾幗梟雄》及《巾幗梟雄之義海豪情》,憑「柴九」及「四奶奶」曖昧之情俘虜觀眾心,劇集收視破晒紀錄,更加令二人狂掃獎項,甚至離奇傳出緋聞。外界視二人為最住拍檔,但黎耀祥喺最新一集《雙祥見》就提到其實佢哋曾經非常之唔熟:「因為之前真係無合作過,當然有見過、識啦,拍第一套時大家無咩講,淨係排戲,對完劇本就走架啦,完全唔會傾多幾句或者交心,我都估唔到。我啲最住拍檔真係好奇怪,但劇集出嚟之後又好夾架喎。」黎耀祥表示直到拍攝《義海豪情》時,二人才稍微熟稔,感覺十分奇妙。「劇中磨合係無問題,不過係我私下鍾意講嘢。最住拍檔係講緣份,正如我所講雖然唔多交流,但出嚟大家都認為我哋係幾夾。」

黎耀祥話直到拍《巾幗梟雄之義海豪情》先同鄧萃雯變得熟絡。(影片截圖)

節目中,黎耀祥又同阮兆祥討論有否收埋「私己錢」,阮兆祥認為可讓另一半知道自己有「私己錢」,但絕對唔會透露銀碼:「人有高底起跌,如果突然出現財務困難時,如果你或佢都有私己錢時,可以共渡難關。」而黎耀祥就詰自己從未有「私己錢」嘅概念,認為夫婦需要了解對方嘅經濟能力:「同埋大家都知啦,我老婆係我經理人,佢收埋私己錢就唔出奇,我啲錢全部都係佢掌管,想收都無得收。」

+3