梁思浩爆曾陪女友人捉姦 小三係女歌手男事主仲發惡打人

撰文:李婉文
出版:更新:

梁思浩日前(26/11)與苑瓊丹和李思蓓一同主持節目《大家「真」風騷》直播時,談到一次捉姦事件,除了案中被捉姦者是男女藝人外,該名男藝人竟發難怒打女友,相當「離譜」!思浩形容有個畫面「一世都記得」。

思浩講到某女性朋友的慘痛經歷。(YouTube影片截圖@大家真瘋Show)

事緣從事電影幕後的正印女友是思浩和苑瓊丹的共同朋友,這個女生懷疑做藝人的男友有外遇,於是叫思浩陪她回家捉姦。不過那女生相當「鵪鶉」,一邊開門一邊手震,她指自己好驚。終於入了屋,女生指男友和小三在睡房,睡房的門半掩,女生用腳推開房門。思浩說︰「嘩,個男明星惡到啊!全身赤裸,指住個女人。(苑瓊丹︰條女喺唔喺度?)條女都赤裸!女歌星嚟嘅。」女歌星即時拉起被子遮一遮身。但男明星站起來企在床上,又大呼︰「乜嘢啊!」他不但沒有立即解釋或者認錯,反而動怒,然後他從床上衝過去。思浩說︰「我一世都記得嗰個畫面,呢個男明星喺嗰張床跳落嚟,我同你(苑瓊丹)個朋友喺前面,我係嚟護駕㗎咋嘛,佢起一隻腳,冇着褲,一嘢𨅝開佢,隻腳將我同你嗰個朋友一嘢(伸開),飛咗去後面!」

該男明星發難怒打女友,但思浩沒有透露當事人是誰。(YouTube影片截圖@大家真瘋Show)

思浩又說︰「捉姦嗰個,飛咗去嗰度,呢個男人唔放過佢㗎,行埋去係咁冚佢,冚到佢嗌救命啊,(女生說)『得啦得啦,你哋繼續啦,我走啦我走啦。』」思浩也被嚇呆。他沒有透露男明星和女歌手的身份,而苑瓊丹表示該男人「不嬲惡開」,苑瓊丹指她聽說當時女歌手嚇到躲入廁所,思浩說第二天還在港台遇到她,只好裝沒事。不過,正當大家以為女生會分手,思浩卻說︰「好慘㗎我呢個朋友,(李思蓓︰即刻分手啦?)唔係喎,女人就係咁先衰,都一齊咗一段時間。」李思蓓也忍不住說︰「黐線!咁鬼尷尬!」

+4

同場加映︰10位踏入40歲女藝人近況 有人已是天后有人淡出娛圈仍然勁索

10位踏入40歲女藝人近況 有人已是天后有人淡出娛圈仍然勁索
+24