譚嘉儀於2025年3月突然宣布正式與無綫結束14年賓主關係，並將以獨立歌手身份繼續發展音樂事業。她在無綫期間憑藉多首劇集主題曲獲得廣泛關注，被譽為新一代「劇集歌后」，並多次獲得勁歌金曲獎項肯定。離開無綫後，譚嘉儀坦言雖然不捨，但認為是時候走出舒適圈，迎接更多新挑戰和機會。

今日（28/6）譚嘉儀現身葵涌出席活動，接受《香港01》訪問時表示：「其實都離開一段時間，而家開始慢慢咁習慣，同埋我都有經理人幫我去傾一啲工作，令我接觸到唔同類型嘅工作，尤其多咗網上嘅工作。（收入會否比舊公司多？）而家自由度係多咗，喺工作上變咗係密密食咁樣，較早前亦喺HOYTV拍過一啲節目，令我都覺得幾得意，因為可以嘗試唔同嘅嘢。」

對於將來發展路向，譚嘉儀表示：「其實我都係想做返一個歌手為主，就算嚟緊有冇公司都好，自己都會出新歌，明白做獨立歌手係好辛苦，但都希望試吓去做。當初我選擇離開做獨立歌手，我係想去挑戰，同埋都想自由度大啲。」