黃耀英今晚（15/9）現身電視城出席TVB Plus《直播靈接觸》宣傳造勢浩活動。對於日前有內地男女在太平山頂觀賞風景時，其手機不慎掉落山下，報警求助後，最終要警員爬到山下幫忙撿回手機。現場有警員不斷向該名女子及拍片的同行男子指出，「（我哋）唔會搵條命同你博㗎」、「我哋都打份工㗎咋，其實應該唔同你執」事件引起網上熱討。

黃耀英接受《香港01》訪問時表示：「其實我做開《東張》都明會有唔同嘅人會有唔同嘅意見，首先我希望嗰個人係有擺上小紅書讚吓個警員，因為講真真係危險嘛，相信佢哋都冇繩嗰啲準備，相信都係捱義氣幫佢哋執咗佢，咁我覺得應該係讚嘅。」

黃耀英續說：「至於係咪警員要做呢？我真係唔清楚。係咩部門呢消防？我又真係唔知喎，但都好正常嘅，如果你跌咗要求救打999，咁你又唔怪得跌電話嗰個人嘅，有邊個跌咗電話唔想執返佢，我跌咗落廁所都叫老婆執我執啦，咁所以大前提最緊要安全。但自拍還自拍，就唔好咁離譜，因為而家嘅人為咗影一張相，佢哋真係會爬出個欄杆外面，跌手機落去，我覺得唔使咁激。」