商界女神胡曦文（Christy）旗下奢華珠寶及時尚品牌 CRISATHENA 啟德全新地標商場 SNDO新店昨日(25/1)隆重開幕， 品牌邀請了星光熠熠的嘉賓陣容到場支持，包括有劉佩玥、向海嵐、李佳、支嚳儀、占士丁丁、黃洛硏及謝東閔等，場面熱鬧。

胡曦文接受《香港01》訪問時表示：「搞呢間新鋪真係用咗好多心血，明白呢啲時間大家會比較唔開心，所以你見到間鋪用咗粉紅色，我係想俾啲溫暖大家，等大家入到嚟嘅時候，感受到溫暖就好似家一樣。」

胡曦文透露新店中所有首飾櫃枱都是自己設計：「其實過程好繁複，因為我要不停咁同廠家溝通，無論櫃嘅大少、用色、用料等問題，都要同佢哋不停咁溝通，過程係唔可以錯。我就係咁，我足足兩個月冇覺好瞓，成日都會心掛掛啲裝修會係點，同埋啲飾櫃又係點，係會好多嘢諗，而家新店開張，我可以好好咁瞓一覺。」