「視帝」馬德鐘將於今年四月舉行個人演唱會，並有意邀請昔日「螢幕拍檔」佘詩曼擔任特別嘉賓，勢掀起一波懷舊熱潮。

網民期待

消息一出，即時引起網民熱議：「神仙組合回歸！」、「唔係話唔得閒，原來為咗佘詩曼開騷！」、「好期待佢哋再合作！」。不少忠實劇迷都大讚兩人多年後仍保持好感情、合作默契十足。

佘詩曼自爆唔鍾意唱歌

今日（2/2）佘詩曼現身尖沙咀出席珠寶品牌活動，就事件接受《香港01》訪問時表示：「佢有問過我㗎，曾經有一個站，咁嗰日我唔得閒，咁如果夾啱咪做囉。
（多人搵你做演唱會嘉賓？）其實我真係麻麻哋嘅。因為我好驚，我唔係唔鍾意搵我嗰啲人，但係其實我我真係麻麻哋唱歌，唯有盡量推。（練多啲會有信心！）係有咁諗過嘅 ，但係冇咁嘅時間。」