陳海寧昨日（12/2）現身九龍灣出席Viu TV賀年節目《馬力十足賀新年》記者會。提到每逢農曆新年，陳海寧原來都有一個固定習慣便是到寺廟祈福，為新一年祈求平安順利。她接受《香港01》訪問時笑言，自己雖然平日工作忙碌，但新年香火一事從不會錯過，「我每年都會去拜下，求健康同事業順利，算係我一直嘅小習慣。」

拜月老求姻緣

陳海寧透露，有一次在新年期間路過黃大仙廟，無意中發現原來殿內設有月老供奉，可以幫人祈求姻緣。她當時心血來潮，決定「順手拜埋月老」。不過她坦言初次拜月老時有點手足無措，「我入去嗰陣都唔知講乜，就係咁拜完，冇特別講清楚要咩對象。」

街上被人搭訕

想不到拜完之後竟然有點「靈驗」！她笑說：「有次喺街度，突然有個大叔上前問我攞電話號碼，仲話可以一齊飲杯咖啡，又稱讚我好有氣質。雖然佢好有品味，但我就同佢講唔好意思我好忙。（會唔會浪費咗機會？）其實我係睇感覺，嗰吓係冇囉。」雖然最後當然冇發展下去，但陳海寧都忍唔住笑言：「可能真係月老聽到啦，只係幫我試試反應啫！」