劉德華罕談妻女認絕對偏心 親解為何堅持唱歌:大家多謝吓梁朝偉

撰文:小白
出版:更新:

天王劉德華(華仔)向來對家庭生活極度保護,甚少在公開場合提及太太朱麗蒨(又稱朱麗倩)及愛女劉向蕙(Hanna)。然而,近日華仔作客網台THE MultiTalk《Enter Enter》節目受訪時,竟罕有打破低調作風主動談及家人,更金句頻出大曬「愛妻號」與「廿四孝爸爸」本色!

劉德華日前接受網台節目《Enter Enter》專訪。(YouTube@The MultiTalk)

劉德華唔介意被叫「華仔」

劉德華日前接受網台節目《Enter Enter》專訪,談及外界對他的稱呼時直言,自己完全不介意被叫「華仔」或「華哥」,甚至更偏愛「華仔」。他解釋,「華哥」聽起來多了一層距離感,反而「華仔」能打破年代隔閡,保留一種像老朋友般的親切感。鮮為人知的是,劉德華自爆讀書時期從未被叫過「華仔」,當年他的花名其實是「肥仔德」,反而是小學一位要好同學叫「華仔」,直到他入行後,大眾才開始這樣稱呼他。

劉德華唔介意被人叫「華仔」。(YouTube@The MultiTalk)

面對近年社交平台常有網民批評年輕後輩直呼「華仔」是「無禮貌」,劉德華亦坦言平時有留意網上留言。但他認為在輕鬆的訪問場合完全沒有問題,別人叫得出「華仔」,代表彼此沒有隔膜。從當年被同輩拉開距離,到65歲仍被三代人喚作「華仔」,這兩個字早已超越年齡,成為香港集體記憶中最具溫度的符號。

劉德華自爆讀書時被人叫做「肥仔德」。(YouTube@The MultiTalk)

霸氣認偏心朱麗倩與愛女:唔偏心不如搵法官

在訪談中,華仔更大方分享最新大碟以身邊人為題材,感性坦言:「其實人最初係個體,父母子女都係你生命中出現嘅人,所以裏面談及我爸爸媽媽、太太、女兒同埋你哋,嗰啲就係我生命。」他更將口中的「你哋」—— 多年來不離不棄的歌迷視為知心朋友,直言歌迷的喜好會直接左右其工作計劃。

劉德華自認對太太朱麗蒨和女兒劉向蕙偏心。(YouTube@The MultiTalk)

談到家人與歌迷對自己的無條件支持,華仔更首度吐露一套超霸氣的「偏心哲學」:「我覺得任何人都係偏心,你同我講道理,唔好做我阿爸阿媽朋友,如果你係我家人,梗係要偏心我。我而家對阿爸阿媽、我太太、我女,我都係偏心,我對我歌迷都係偏心,如果唔偏心,我搵個法官返嚟就得!」一句「唔偏心不如搵法官」霸氣又滿載對妻女的極致寵溺,瞬間融化全場。

劉德華自認對太太朱麗蒨和女兒劉向蕙偏心。(葉志明、陳順幀攝)
朱麗倩因與劉德華拍拖,曾受到不少攻擊。(網上圖片)

聞「梁朝偉係歌手」受刺激:大家多謝吓佢

入行超過40年的華仔在影、視、歌三棲皆登上殿堂級地位,但他竟自爆當初差點放棄唱歌,而令他咬緊牙關堅持下去的「關鍵人物」,竟然是影帝梁朝偉!華仔透露,早年推出首張個人專輯《只知道此刻愛妳》時,市場迴響未如理想,令他大受打擊,一度萌生放棄歌唱事業、專心拍戲的念頭。

劉德華因首張個人專輯《只知道此刻愛妳》反響不好,一度萌生放棄歌唱的念頭。(YouTube@The MultiTalk)

豈料有一次遠赴荷蘭拍戲,當地工作人員的一番話竟然徹底改寫了他的音樂生涯!華仔笑著憶述:「大家多謝吓梁朝偉!有一次我去到荷蘭拍戲,嗰陣時我諗住放棄唱歌,專心拍戲。但喺拍戲嘅過程裏面,聽到大家原來知道梁朝偉係歌手,唔知我係歌手,唔得!我要做到大家都知道我係歌手,咁我先至繼續出唱片。」正是這股不服輸的鬥志,造就了日後橫掃樂壇的無敵天王!

劉德華自爆當年差點放棄唱歌,全因受梁朝偉刺激才堅持下來。(《The Do Show》節目截圖)

自爆「唔進取」失獎無感 見團隊為己心碎毅然放棄摯愛

在大眾心目中,華仔向來是勤力與進取的代名詞,但他卻笑言外界統統誤會了,更驚爆自己其實「唔進取」:「我一路落嚟我係唔進取,我係勇於表達自己,但係唔進取。」他重提當年第一次失落「最受歡迎男歌手」大獎時,自己內心其實毫無波瀾,反而身邊一班幕後工作人員比他更傷心落淚。

劉德華自爆自己其實「唔進取」。(YouTube@The MultiTalk)

當時極度沉迷打保齡球、甚至一度立志參加國際賽的華仔,驚覺自己的嗜好佔用了宣傳時間,間接令團隊心血付諸東流:「我同自己講,我啲時間係放咗喺打保齡,如果我攞唔到獎,公司啲人係會傷心。唔係怪我打,佢哋係好鼓勵我打,我打到夜晚黑兩點,佢哋係坐喺旁邊睇。但原來我攞唔到,佢哋係好 hurt。所以由嗰年開始到而家,我冇打過保齡,放棄咗保齡,第二年,我哋就攞返!」被問到為了工作忍痛放棄至愛的保齡球會否感到後悔,華仔盡顯通透豁達的王者風範,笑著拋下一句金句:「冇呀,隨時都打得㗎,你紅幾耐呀?」重情重義的態度再次令人由衷敬佩!

劉德華見到工作人員傷心,決定放棄打保齡球。(YouTube@The MultiTalk)
劉德華自嘲:「隨時都打得(保齡球)㗎,你紅幾耐呀?」(YouTube@The MultiTalk)