聲夢傳奇|14歲姚焯菲連校長都冧到 譚詠麟︰我睇到一塊翡翠!

撰文:林迅景
出版:更新:

無綫節目《聲夢傳奇》第8集比賽將進入白熱化,上一集第四輪比賽紅隊連輸三個回合,所以潘靜文(Sherman)及張馳豪(Aska)兩位學員被淘汰,藍紅兩隊亦各有5位學員進入下一輪比賽。今集(05/06)改回與第一,二集類似的賽制,由兩隊導師出牌,一對一決戰,得分較低的學員進入危險區,最後累計回合輸得較多的一隊就要淘汰在危險區內的一位學員。

譚詠麟同後生仔女一齊跑步。

第8集以80至00年代的粵語金曲為主題,更特別邀請了譚詠麟擔任主理人,登上聲夢舞台與李克勤合唱《一生中最愛》和 《左麟右李》。賽前譚詠麟亦為聲夢十強學員進行賽前特訓,於清晨一邊跑步一邊唱歌練氣。

譚詠麟做埋主理人。
嗱...(《聲夢傳奇》截圖)

今次譚詠麟親秒落場教授唱歌技巧,他對學員說:「唔入咪,係同你哋呼吸有關,有樣嘢係幫到你哋,就係跑步唱歌!」其後就同十位學員一邊跑步一邊唱《Happy Birthday》。

點擊下圖睇精彩畫面:

+3
鍾柔美(Yumi)又唱得幾好。(《聲夢傳奇》截圖)

第一回合,藍隊派出鍾柔美(Yumi),紅隊則派出黃奕斌(Hugo),Yumi演繹女子組合Cookies的歌曲《心急人上》,譚詠麟就大讚:「幾好吖,青春無敵,喺台上面又跳得又唱得好,呢啲好難搵到㗎啦!」「我覺得好睇,但係唔夠好聽,因為唔夠開心,不過都做得好好。」

點擊下圖睇精彩畫面:

+6
黃奕斌(Hugo)向譚詠麟請教唱歌技巧。(《聲夢傳奇》截圖)

Hugo則選擇以張國榮的經典金曲《側面》出戰,賽前還向譚詠麟請教。譚詠麟:「你爭咁啲挑逗,你知哥哥好識呢啲。」資深音樂人John Laudon:「音OK,tune OK,但係呢首歌係dirty song,你就冇呢啲感覺。」結果藍隊以19比6暫時領先。

黃奕斌(Hugo)以張國榮的經典金曲《側面》出戰。(《聲夢傳奇》截圖)
黃奕斌(Hugo)趺入危險區。(《聲夢傳奇》截圖)

第二回合,就有藍隊的林君蓮(Kaitlyn)對上紅隊的詹天文(Windy)。Kaitlyn決定用關淑怡的《繾綣星光下》出戰,中間還加插了兩段原曲的法文。「真係好開心,因為我覺得蓮姐唱到廣東歌最難唱嘅,喺耳邊講嘢嗰種。」陳奐仁:「你擺個心機喺演出,演出大力咗,製造咗多餘嘅瑕疵!你專注喺唱上面,將啲音唱到最靚,就自然贏到我哋。」

法文喎。(《聲夢傳奇》截圖)

詹天文(Windy)以謝霆鋒的《非走不可》迎戰,不過JW王灝兒就指這首歌不適合Windy唱:「因為佢低音位真係好低。」Windy跟JW坦白:「其實呢首歌唔係我揀。(咁係邊個揀?)係我自己音樂老師揀。」

詹天文(Windy)以謝霆鋒的《非走不可》迎戰。(《聲夢傳奇》截圖)
不過就唱得唔夠好。(《聲夢傳奇》截圖)

舒文:「你首歌係咪喺你擅長音域呢?你要再令首歌立體啲。」第二回合藍隊以22比3分勝出。步入危險區時,Windy更忍不住落淚:「覺得自己盡咗力但係仲做得唔好。」

步入危險區時,Windy忍不住落淚。(《聲夢傳奇》截圖)

第三回合就有紅隊的姚焯菲(Chantel)以《戀愛預告》出戰,多位導師聽畢後,均表示這首歌十分適合她,譚詠麟:「前面個停頓係咪JW教你?頭嗰幾句你就駕馭住首歌,我係見到一塊翡翠!」文凱婷(Aeren)的演出就排在下星期播出。

姚焯菲(Chantel)真係好sweet。(《聲夢傳奇》截圖)
譚詠麟好滿意。(《聲夢傳奇》截圖)