鄭俊弘每晚定時為愛妻何雁詩按摩：佢陀B陀到背脊痛
撰文：吳子生
出版：更新：
鄭俊弘(Fred) 今日（28/1）現身電視城出席新劇《輕·功》造型記者會。提到愛妻何雁詩陀B近況，阿Fred就透露預產期將在6月份：「而家佢個肚越嚟越大，有時肚裡面個B會不時轉動，但我哋就唔知佢係度踢定係都拍，尤其是我哋播緊唔同嘅音樂，例如就好似噚晚咁，我哋就莫札特啲音樂俾佢聽，佢就有郁動，但我播獅子王佢聽，佢又會郁動得比較大，所以我哋都覺得好神奇。（太太有冇作嘔作悶？）好彩咁又冇，反而有時佢食完嘢之反會頂住個胃痛，同埋佢陀B陀到背脊痛，而我每晚就會幫佢做按摩，幫佢紓緩吓嘅痛症。」
鄭俊弘透露愛妻何雁詩陀B引致背痛，故每晚都要為她按摩紓緩痛症。（葉志明攝）