傳港台設十大歌手禁播名單 林奕匡：冇咩嘢要避

昨日網傳港台高層向眾DJ以口頭下達十大歌手禁播名單，包括黃耀明、何韻詩、 Rubberband、C AllStar、達明一派、Dear Jane、方皓玟、Serrini、謝安琪、許廷鏗。而入圍香港金曲頒獎禮的歌曲可獲放生。

今日（26/1）林奕匡Phil 現身電視城出席無綫音樂節目《勁歌金曲》錄影時，被問到是否得悉事件？Phil就表示：「我係有見到相關消息。（見到相關消息有否感到疑慮？）而家都係傳緊，所以而家都未知係咪真實，我只可做好自己嘅本份。（呢個消息會否打亂你唱作，怕踩到紅線？）喺編曲方面其實我又冇話有咩嘢要避嘅，至於最後嘅題材係點，就交俾填詞人去寫。」