女友余思霆台灣工作 朱敏瀚孤獨過年：J2台灣節目佢基本包辦晒
撰文：吳子生
出版：更新：
朱敏瀚今日（28/1）現身電視城出席新劇《輕·功》造型記者會。年近歲晚，朱敏瀚透露女友余思霆仍身在台灣工作，未能回港與他過新年感到可惜：「佢之前返過嚟兩個禮拜，但之後就返咗去台灣做嘢，因為公司對佢都好好，將J2台灣所有嘅節目，基本上都由佢包辦晒，所以佢要返過去台灣做嘢。咁其實都好嘅，佢過台灣有工作，而我亦都有做工作做，咁係幾好㗎大家可以趁住呢段時間為工作打拼。不過預計佢下半年就會返嚟香港到時先再見。」
朱敏瀚透露媽咪並未催婚。（葉志明攝）