蔡一傑難忘90年代四川登台粉絲到酒店樓下通宵守候︰畢生難忘
撰文:邱愛霖
出版:更新:
「草蜢」成員蔡一傑接受內地電台《麗人麗語》訪問,入行逾30個年頭的他難忘90年代在四川登台,有內地粉絲深夜在酒店樓下通宵等候高呼,為見偶像一面,蔡一傑指這件事令他畢生難忘,他說:「嗰陣唔興相機,好難影一幅相......佢哋純粹想攞個簽名呀,見吓你,好窩心,到而家都歷歷在目。」
殿堂級組合草蜢。(黃國立攝)
談到個人生活,問蔡一傑多不多朋友,他坦言以往比較多,但如今許多朋友都結婚生仔,話題總是圍繞家庭生活,令蔡一傑難以參與。不過蔡一傑感恩擁有成功的事業和一班愛戴他的粉絲,他曾受訪笑言是上天委派他下凡間娛樂大家,他接受《麗人麗語》訪問時透露,原來是相士之言,他說:「以前有個相士話,你係上天派落嚟嘅神仙嚟嘅,派你落嚟係要你做呢啲工作,你仲要係識跳舞嘅神仙,佢真係咁講。」
草蜢大騷胸肌與半裸男dancers跳舞。(梁碧玲攝)
蔡一傑不迷信算命,但他認為被指為神仙都頗有趣,而蔡一傑自小已無師自通識跳舞和唱歌,他說:「我以前冇學過跳舞、冇學過唱歌,而你點解無端端就會識呢?我就係一個識跳舞嘅神仙,我落嚟凡間做表演,做Tour。」主持人麗麗亦稱讚他在九十年代云云巨星中能夠突圍而出,確實是靠天生靚樣、觀眾緣以及音樂才華,對相士的說話深感認同。
草蜢大騷胸肌與半裸男dancers跳舞。(梁碧玲攝)
草蜢2017年紅館騷。 (陳順禎攝)
蔡一傑又直認上天好錫自己,他表示:「上天畀咗一啲禮物我,我需要付出一啲我嘅嘢去換取都未定,要畀好多愛戴我嘅朋友好聽嘅音樂同舞步,亦都可能因為咁,所以佢話你唔准拍拖、唔准結婚㗎。」他坦言年輕時曾因感情生活單薄而不開心,「以前唔開心,點解我冇嘅?點解人哋有,我冇嘅?但問返自己,你都有好多人哋冇嘅嘢啦。」
蔡一傑如今則看淡了,他說:「如果十樣嘢,十樣嘢都俾晒你,咁咪你玩晒。」他坦然接受「針冇兩頭利」以及「永遠有啲嘢你缺嘅。」他坦言睇通這件事後比以前開心許多。
蔡一傑接受《麗人麗語》訪問,說到保養心得,他巔峰時期會每日做三小時健身,以及節制飲食。(《麗人麗語》小紅書影片截圖)