【政壇諸事町】炒勞工組一年後梁耀忠請議助 被嘲「請義工?」

撰文:莊恭南
出版:更新:

去年五一勞動節,一直標榜爭取工人權益的街坊工友服務處(街工)爆出勞工組三人被炒醜聞。當時成為眾矢之的的梁耀忠就解釋,炒人是因為「辦事處有財政困難」;又說「無糧出唔等於解僱,有時間可以做義工」。
事隔約一年後,街工facebook就突然出po,聘請「立法會議員梁耀忠辦事處議員助理(傳訊及議會事務)」,要求包括認同街工理念,關心弱勢社群、勞工基層權益; 擅長使用社交媒體,掌握基本攝影、製圖及剪片技巧。
不過,該帖文就「吸嬲」多過「吸like」,更有街工前成員留言嘲諷「上年又話無錢炒人……唔明點解會出請人post?說好的財困呢?」;「係咪請義工?」

街工去年5.1勞動節前夕炒人,鬧得滿城風雨,事隔一年後,又是5.1勞動節前夕,街工卻在fb發帖請議助。(街工facebook截圖)

街工去年5.1勞動節前夕炒人,鬧得滿城風雨,事隔一年後,又是5.1勞動節前夕,街工卻在fb發帖請議助,該職位主要工作包括管理Facebook Page、聯絡傳媒、代表或陪同議員出席不同場合、遊行集會、會見市民、協助議員撰寫講稿等。

工時和假期方面則極為優厚,除5天公作44小時,及14天年假外,也有14周全薪產假、3周全薪侍產假、月事假、生日假等。

去年勞工組被炒,梁耀忠就被爆在街工一個會議上辯解指不是炒人,因勞工組三人可「返來做義工」,言論引起外界嘩然。而今次請的議助職位,則講明應徵者遞交簡歷時,要列出「期望薪酬」,所以應該不是義工,而是受薪的僱員(除非不是)。

不過,大家對勞工組事件,似乎就並未淡忘。不少人對帖文「俾嬲」,亦有人留言冷嘲熱諷,質疑街工去年聲稱財困,今次再請議助「錢從何來」;也有人揶揄「肥仔主席唔係話要做fb 小編架咩? 點知一個月都唔知出唔出到一個post,搞到而家要請義工幫手。」;更有人質疑「啱啱炒完而家又請, 而家有錢, 點解唔可以請返天水圍(按:勞工組)嗰3位同事?」

↓ ↓ ↓ ↓ ↓ ↓ ↓更多網民精彩留言↓ ↓ ↓ ↓ ↓ ↓ ↓