素食者去牛涮鍋食團年飯 稱被迫獨自坐開 網民:畀同價咪得

撰文:李納德
出版:更新:

愈來愈多人選擇素食生活,日前就有素食者和朋友前往牛涮鍋黃埔分店食團年飯,但卻稱被職員「禁止」素食者和肉食者同枱食飯,令自己「一個人坐開食」,他事後在自己的素食facebook專頁講述事件,更揚言不會再光顧。有網民要求公開分店地址,質疑他們招待客人的方法,然而,更多網民質疑如願意付同樣價錢,理應可葷素同座。
牛涮鍋黃埔分店回應《香港01》表示,如果素食者願意付同一價錢,就可以和肉食者在放題時段同座,萬一素食者不願多付,亦會安排鄰桌就坐,「話好孤獨可能係浮誇咗少少」。

有素食fb專頁發帖,指牛涮鍋禁止素食者和肉食者同迷枱,引來熱議。(fb專頁「Lawrence食到邊"素"到邊」截圖)

下載「香港01」App ,即睇城中熱話:https://hk01.app.link/qIZYuEC5LO

日前,facebook專頁「Lawrence食到邊"素"到邊」發帖,稱「不會再來這餐廳~牛涮鍋,因為他『禁止』素食和肉食朋友同枱食,我被迫要『一個人坐開』食團年飯」。至於為何照樣光顧,他表示親友不方便轉餐廳,又指責店方質素差,「反而我們吃素的,會有種豁達,可比他們包容得更多,當然也不代表我會接受他們不知所謂的所作所為,所以我也會告訴大家,我不會再去了」。

有網民叫樓主公開分店地址,又叫他下次要到對素食者友善的餐廳。不過,許多留言都反質疑樓主要求無理,「素食者去食牛肉嘅地方,其實係邊個逼邊個」、「人哋唔想你犯戒先分枱畀你,無得分枱到時又話人唔尊重素食者,真係你講晒」,甚至有人指樓主自稱豁達,但實際是想網絡公審店方,「你豁達就唔會咁小X氣上網講啲唔講啲咁數人啦」、「點解你唔問下你班朋友可唔可以去齋鋪團年嘅?你班朋友夠歧視你啦!」

+2

不少留言提到店方的困難,指職員其實很難分辨每一位顧客是否素食者,「如果一枱4人,個個都話食素得一個叫肉。但肉量一直叫一次叫4碟隔兩個字又叫一次。咁佢點知到底邊個食?」為求方便,唯有要求素食者付肉食餐價,「

講真,餐廳唔會知果個人係真素定假素」、「畀同價咪得」。

有網民將事件分享到其他fb專頁,例如「小心駕駛(討論別人駕駛態度)」等,引發更多討論。有素食網民表示,如果和朋友去類似餐廳,「都會照畀食肉價錢,無謂為左少少錢搞到自己唔開心」。

涉事的牛涮鍋黃埔分店回應指,並未收到相關投訴,而關於「禁止」素食者和肉食朋友同座問題,店方指根據公司政策,因為放題價格不同,只要願意付同樣費用,素食者可以和肉食者同桌。如果素食者不想多付錢,其實職員會安排他和朋友坐在鄰桌,距離不遠,「講到好孤獨可能係浮誇咗少少」。另外,店方表示素食放題和最平及最多人點選的牛肉放題,價格只相差10元,「10蚊都唔肯加,絕對有呢啲人,佢哋視為原則問題,但因為公司Policy(政策),我哋都冇辦法。」