外甥仔女拜年闖入模型房 藏品至少值10萬 舅父急問有咩要注意

撰文:李納德
出版:更新:

對於有收藏習慣的人來說,細路可能是「最可怕生物」,一旦讓他們進入房間,後果不堪設想。有網民初二(6日)分享一張照片,只見他的房間放滿了模型收藏品,還有一個大型玻璃展示櫃,然而,這間房內卻有5名小孩,他打趣說外甥仔女入了自己房間玩,「有咩需要注意」。其他人的留言都是替樓主擔心,「呢張相當影咗遺照㗎啦」、「一輪大屠殺開始」。事主回覆《香港01》指,模型最後全部沒有破爛,大讚:「佢哋好守規矩。」

網民指外甥仔女拜年時想入房「講秘密」,但有叮囑他們別亂碰模型。(網民Tree Tsang提供圖片)

下載「香港01」App ,即睇城中熱話:https://hk01.app.link/qIZYuEC5LO

【周五心意運動】您捐一封$50利是,已可為基層送上溫飽,01心意呼籲您支持【食德好】,每$50可為12個家庭提供一餐回收蔬果及食物

新年期間,無論小朋友拜年做錯任何事,他們的父母只會一句「他們只是孩子」帶過,令一班大哥哥大姐姐欲哭無淚。日前,網民Tree Tsang在facebook群組「今日一入玩具報價區」發帖,表示「外甥仔外甥女入咗我間房玩,請問有啲咩需要注意 」,還在標籤處寫上「我在玩命」、「模型玩具有啲咩事你哋即刻變燒豬」。

+7

從照片所見,房間內有5名孩子坐着玩耍,但房內有大量收藏品,大玻璃櫃裏放滿模型,床頭櫃和床尾都有放收藏品,令人擔心小朋友會拿上手玩,或走去搖晃櫃子頓時令模型「重傷」。網民看到照片後已着他「調節好自己心態當冇事發生」、「一拎隻玩具上手檢查下,即刻自動解體」、「樓主po事後相,想知地震後會係點」。

網民Tree Tsang接受《香港01》訪問時指,已經收藏模型4、5年,藏品價值最少10萬元,但最後全部安好。他指一開始有兩名外甥仔女想入房講秘密,「講下講下就拉埋其他小朋友入去」,入房前他曾叮囑房內有模型,「佢哋要應承我只會睇唔拎上手玩,咁我先會畀佢哋入房,否則我會趕佢哋出房」。他認為這是一種教育,要小朋友說到做到,而且姊姊(小孩的媽媽)知道模型價值不菲,都有提醒他們別亂碰。

至於許多網民擔心的玻璃展示櫃,Tree Tsang說其實櫃子很穩陣,不會前傾翻倒傷及小孩,而且櫃子用上強化玻璃並鎖好,孩子父母亦叫他們不要拍打。所以外甥仔女們最後只有玩床上公仔和自攜玩具,「仲不停係我張床上面亂跳」,因為擔心床尾成個小朋友咁高的「新自護」出事,一開始有看一下,但看了10分鐘見他們非常自律,就無再「監視」,大讚他們非常乖巧。