港爸偷買玩具藏櫃底 難防阿仔踢爆「走私貨」 被老婆越洋問責

撰文:喬納森
出版:更新:

不少熱愛玩具的已婚男士偷買心頭好後,總會千方百計藏起玩具但求妻子不發現,但原來「日防夜防,細路難防」。有港爸網上指花費近1800元購買機械人玩具,因不敢擺入房遂原盒藏櫃底,沒料離港時被「豬隊友」仔仔踢爆「走私貨」,妻子更越洋發相,直指仔仔雖未拆爛但正玩盒,嚇到港爸高呼「唔准玩」。

爸爸指花費近1800元購買機械人玩具,由於不敢擺入房間,於是原盒放在櫃底,出埠後即被小朋友揭發「走私貨」,妻子指小朋友雖然未拆爛,但已經玩盒,嚇到樓主回覆「唔准玩」。(fb群組「今日一入玩具報價區」圖片)
有港爸網上抱怨,指被兒子出賣,令妻子發現其偷偷買的新玩具。(網頁截圖)

下載「香港01」App ,即睇城中熱話:https://hk01.app.link/qIZYuEC5LO

被斷正的網民前日在facebook群組「今日一入玩具報價區」上載一張WhatsApp對話截圖,指日前見到機械人玩具售價1769元,「真係忍唔住買咗,夜麻麻唔敢拎入房,就放咗喺櫃下面」。

他其後離港工作,沒料翌日就收到妻子發送圖片,只見兒子坐在櫃底旁邊,整盒機械人玩具表露無遺,從相中觀察仍完好無缺,估計是仔仔無意中發現驚動老婆。他指妻子在對話中指仔仔「成日(盒)」玩,樓主即連發4個驚恐表情高呼「唔准玩」。

港爸被踢爆後不禁網上慨嘆,生兒育女後玩玩具時間大大減少。(網頁截圖)

原以為天衣無縫的走私事件,被天真兒子無情揭發,令港爸忍無可忍在帖文慨嘆「結埋婚有小朋友真係無時間玩,爸爸們有無試過?」

這則悲慘帖文吸引不少有同樣經歷的「受害人」回覆,大家紛紛留言指家中有「二五仔」、「好慘呀」、「完全明白」,有人甚至稱心頭好慘被子女「肢解」,亦有人搞笑形容樓主的兒子猶如「海關緝毒犬」、「叻仔」,更有網民建議樓主應該「放櫃頂」、「再買多套畀個仔玩」,甚至「教仔女正確咁玩,好過被佢肢解」。

(fb群組「今日一入玩具報價區」)