港媽推住BB車要求買學生餐 不能出示證明反發爛 經理企硬一句KO

撰文:卡洛兒
出版:更新:

穿校服者或出示學生證人士,方可購買學生餐是常識吧,不過總有人會挑戰規矩!有食店員工近日投稿至facebook專頁「西客之道」,抱怨遇見一位港媽推住BB車稱要買學生餐,當被要求出示證明時,卻發爛說「我小朋友咁細個,唔係學生係咩?佢唔通返工咩?」令樓主相當無奈,幸得經理出手一句反駁對方,令港媽急急黑面走人。

有網民投稿至「西客之道」,指自己在某間牛肉飯專門店打工,公司規定要穿着校服或出示有效學生證才可以購買學生餐。有日樓主遇到一名推着BB車的港媽,要求買學生餐,樓主唯有態度良好地問「小朋友喺邊度?」詎料對方激動起來:「有無搞錯啊,咁大個小朋友都睇唔到?」然後指着BB車上那位「未識行嘅BB仔」,樓主隨即解釋公司規定,但港媽更加崩潰地表示,「我小朋友咁細個,唔係學生係咩?佢唔通返工咩?」

最後經理出來擺平事件,表明要跟公司規矩「執正嚟做」,反問港媽:「學生餐係學生食既,賣比學生既,你個小朋友…就算真係我賣個牛肉飯比你,你個BB都食唔食到啊?你個大人買個主套餐啦!」,港媽隨即黑面走人。

下載「香港01」App ,即睇城中熱話:https://hk01.app.link/qIZYuEC5LO

另有一次,又要一對父女要求買學生餐,但女兒因學校活動而穿便服,亦沒有帶學生證明,該名爸爸即爆粗大罵:「我小朋友咁細唔係學生係咩?」、「規矩係死嘅人係生嘅!」但樓主不為所動,爸爸一直在收銀台附近大罵,嚇到自己的女兒哭着說:「爸爸,我唔想食啦,我地返屋企啦」,令其他客人也忍不住說:「你積下口德得唔得啊,句句粗口教壞晒小朋友」。

不過該爸爸反駁「我點教你關你乜嘢事?」客人則以一句絕殺:「你教壞你個小朋友都算,你教壞埋在場所有包括我個小朋友,點解唔關我事?人哋都講到明要校服或者手册先買得,好心你唔好咁難睇,仲要嚇到自己個女喊成咁,你個女好慘啊!」最後爸爸黑臉重新排隊,叫了兩個主套餐。

帖文引起網上熱議,網民力撐樓主做得好,「兩個case都企硬唔跪低」,又指幸得經理堅持,而第2件事中仗義執言的客人亦「好波」。不少從事飲食界的網民則深有同感,指經常遇到這些貪小便宜的人,「其實我只係想見到張學生證啫」、「最憎就聽到句『規矩係死嘅人係生嘅』,如果係咁我使乜定規矩」。