二手電子琴贈女街坊 4分鐘後轉售收買佬 將軍澳好心男嬲到震

撰文:安祖娜
出版:更新:

「斷捨離」成為近年潮流,不少人都愛收拾家中較少使用的物件,免費轉贈予有需要人士,環保之餘又幫到人。早前將軍澳有好心男轉贈了一部電子琴予女街坊,沒料交收後僅4分鐘,對方竟已將琴將售予「收買佬」,令他非常憤怒。事後女街坊解釋因沒預計琴的大小,一時情急便轉售了電子琴,強調並非有心「搵著數」,事件引來網民熱議。

有網民好心轉贈二手電子琴予街坊,沒料對方以「屋企放唔落」為由轉售予收買佬,引來網民熱議。(示意圖,資料圖片)

下載「香港01」App ,即睇城中熱話

該名不忿的男網民前日(5日)於facebook群組「將軍澳主場」發文,稱早前在群組內出Po,免費送出一部二手電子琴,後來與最先留言的女街坊相約於區內交收。

前日下午3時許,雙方成功交收,女街坊更禮貌地發訊息感謝樓主。然而完成交收後僅4分鐘,樓主看到一名「收買佬」拿着電子琴,遂即向女街坊查詢:「你唔會賣咗(電子琴)出去嘛?見到有個男人拎住我部琴走。」

沒想到女街坊直認不諱,解釋稱:「我冇想過(電子琴)咁大,原本諗過屋企放唔落,佢(收賣佬)問我可不可以賣畀佢,對不起。」樓主聞言大怒,即回覆指「如果係咁我送畀第二個啦」,他事後又將對話截圖上載至同一群組,直言:「如果我想要錢就自己賣啦,諗住好心送畀有需要嘅人,結果畀我睇到自己部琴畀收買佬拖住行,嗰刻真係嬲到震」。

涉事女街坊事後曾現身回應,稱已向樓主道歉及商討解決方法,又強調自己「沒存心呃人」。(示意圖,資料圖片)

涉事女街坊事後現身回應,稱已向樓主道歉及商討解決方法,又強調自己「沒存心呃人」,事發時「只是太大部琴我預計唔到,然後推推下個收買大叔追住我,咁我一時諗錯咗就賣咗畀佢。」,她又指願意捐出轉售電子琴所得的50元,惟沒獲樓主回應,而樓主則表示「鬧都冇用,佢都道歉咗就算啦」。

事件引來網民熱議,不少人狠批涉事女街坊利用他人善心,質疑她數分鐘內便成功轉售屬早有預謀,「做人不要這樣吧,你唔夠位咪送返出去囉」、「唔啱用就好心唔好要啦。點解要將人哋送你嘅嘢即時賣畀人?咁cheap嘅」。

亦有人直斥女街坊的行為破壞鄰里之間的信任,「你完全破壞咗人與人間嘅信任,只會令人心灰意冷唔想再free嘢出去」。不過也有網民認為,物主轉贈物品後難以控制他人做法,只能當作「唔好彩」。

↓↓↓同場加映:網民斷捨離竟發現驚喜↓↓↓

有網民在家斷捨離時找到口罩,十分驚喜。(FB「斷捨離極簡主義的生活分享」)
+4