父母生日，子女當然想好好慶祝！有港男在網上表示，家人最近「牛一」，他預訂銅鑼灣1間獲國際認可的滷水鵝店晚膳，本身訂了晚上7時入席，他們早到15分鐘，明明見到有大量空枱，但1名有鄉音的女職員要求他們先等，隨後其他客人抵達，相信是熟客，和女職員打招呼，竟然先獲安排入去和揀位，港男一家立即反映，但女職員只稱「執緊枱」。

去到7時正，又有5名客人訂了晚上7時獲安排入座，港男一家忍無可忍，開始和女職員理論，女職員更稱是他們「有位唔入」，老闆聞訊勸架，但他們決定轉場。港男批評「老實，訂咗位都咁，不如寫到明熟客優先同有得揀枱好過啦」。

大量網民留言指「做得啱呀，2隻腳最誠實，索性走人唔幫襯」、「熟客先係客？香港飲食業咁差，咪多得呢啲垃圾服務倒米囉」。

熟客獲安排優先入座揀位

樓主在Threads表示，早前家人生日，預訂銅鑼灣1間獲國際認可的滷水鵝店晚膳，雖然訂了晚上7時，但他們一家早到15分鐘，1名語帶鄉音的女職員要求他們先在店門等候，他們依言照做，「但後來連續幾枱客嚟到，同門口呀姐打下招呼」，女職員立即向對方打招呼，並說「你好，訂咗7點，想坐邊張枱呀？」，雙方「仲要傾多2句攬頭攬頸咁樣」。

樓主一家多次反映不果

之後其他客人都是「打個招呼有得入」，樓主一家向女職員反映數次，「明明入面半個場都係吉」，但對方聲稱「執緊枱」。

雙方爭執終轉場

最後到了7時正，又有1枱客人表示「訂咗7點、5位」，同樣獲得熱情招待順利直入。樓主一家再問何時可入座，女職員仍稱「執緊枱啦，你訂7點之嘛」，樓主指出「聽住人哋講7點都直入」，但她反稱其他客人是訂傍晚6時45分，家人當場怒罵，女職員晦氣表示可以安排入去，更指「𠵱家係有位，你唔入咋」，最後老闆出面勸架。樓主一家認為「搞到咁先有位，唔通仲入嚟食你口水鵝咩？」，所以決定轉場。

網民︰好唔鍾意呢種熟客文化

許多網民留言指「呢啲唔識做生意囉」、「好唔鍾意呢種熟客文化」、「呢啲地方一定唔憂做」、「仲入去食？我一定即走」。

（Threads）