在食肆吃外來食物實在不當。有網民在社交平台上發相，指有一對旅客拖住行李進入尖沙咀星光行的麥當勞，兩人沒有幫襯，反而佔用庭位享用自擕的杯麵，有職員見狀上前多番勸喻他們，兩人終未食完杯麵便急急離開。不少網民讚職員做得好，「呢個職員做得好啱」、「其實為咗避免尷尬，買杯嘢飲咁咪得囉，不過佢哋連嘢飲都想慳返，咁就真係冇辦法」。

有網民在Facebook群組「青衣街坊吹水會」上發相，指當時在12月18日上午11時，相片可見有一對男女在座位上食杯麵，桌上更放有自備的水樽，身旁有兩個行李喼及背包，看來似是旅客。而另一張相見有麥當勞女職員上前，似是在勸喻兩人。

有網民讚職員「做得好」、「辛苦了職員！」、「我都當面X過一個喺青衣城食老麥杯麵嘅人，佢哋真係覺得冇問題」。