周星馳電影《少林足球》提及「做人如果冇夢想，同條鹹魚有咩分別？」，鼓勵人人可以追夢。本港有中年男在網上投稿指，自己自小想做巴士車長，但父母認為收入低，所以極力反對。他年輕時唯有遵從父母意見，從事收入高工作，但自言「一啲都唔開心」，到了大約40歲終決定轉行，如願做巴士車長。

大量網民支持樓主追夢，「搵到自己理想嘅工幾好呀」、「支持！幫到人、對社會有貢獻、又搵到錢」、「職業真的冇分貴賤，只要本住敬業樂業既態度，任何正當職業絕對值得尊重」。

40歲「轉跑道」如願做到巴士車長

該名男子投稿至facebook專頁「奴工處」，慨嘆「由細到大都有個志願」，就是駕駛巴士維生，但「父母唔同意覺得搵錢少」，他被迫「做咗另一行好多年，人工係高，但一啲都唔開心」，大約40歲「轉跑道」，如願做到巴士車長。

網民祝賀︰自己覺得夠用，做咩工作都好

帖文引來許多網民留言，「自己覺得夠用，做咩工作都好」、「揸巴士唔失禮」、「恭喜！可以完成到自己嘅夢想」、「開心返晒」。

（facebook專頁「奴工處」）