騙徒手法層出不窮！有男網民在網上發文，指在柯士甸站及尖沙咀疑遇到騙徒，他見到有兩名白衣男子在街上徘徊，專向獨行女子埋手，向女方表示因銀行提不到款而借錢，「唔好信佢哋！」，如遇到要找職員幫手。不少網民留言，「愈嚟愈多行走的騙徒」、「報警」。

尖沙咀兩白衣男疑是借錢黨

「大家要小心！」，有男網民在Threads上發文及發片，指在柯士甸站、尖沙咀附近的地方，「有兩名穿白色衫大叔圍住單獨嘅女仔，話銀行撳唔到錢問你借錢！」，他提醒其他人要小心，「唔好信佢哋，有咩事記得要揾人或者附近職員幫手」。

影片引來不少網民留言指情況愈來愈嚴重，「神高神大、有手有腳，攤大手板周街問人攞錢，真係禮義亷！」、「愈嚟愈多行走的騙徒」、「其實可以同佢哋講我而家身上冇現金，叫佢哋等一陣我而家打電話畀朋友叫佢攞錢嚟畀你哋，然後跟手報警等警察嚟到之後叫嗰兩條友問佢攞咪得囉」。

網民：愈嚟愈多行走的騙徒

有人稱都遇到這種情況，「已經試過兩次，相差幾個月夜晚唔同時間，畀一男一女話自己撳唔到錢」。