「食得唔好嘥？」有男子近日於網上發文分享，在大廈垃圾桶發現有人丟棄大堆鮑魚、乾瑤柱及臘腸膶腸等海味臘味，他未有介意過期，立即全部撿走食用，直言「正常人係睇限期，我就係睇食物質素！」。

網民紛紛笑言，「你發達，咁好有呢啲鄰居」、「有更豐富的等待你」、「可能工展會$1搶返來，跑得咁辛苦做乜」、「可能係兩公婆鬧交，我掉咗都唔畀你個衰佬食，所以樓主有好嘢食」。

有網民留意到乾瑤柱表面有白色粉末，懷疑已發霉不可食用，有熟知海味的網民就指出，是存放過久所致，「其實唔係發霉呀，嗰啲係鹽霜嚟㗎」，而尚品花膠專門店亦有於網頁教顧客從外表及氣味分辨有否發霉。

該男子於facebook群組「Oh Yes!有野執(報料群組)」多度發文分享事件，他日前發現有人丟棄1袋海味在大廈垃圾桶內，撿起一數共有6罐鮑魚及1罐海螺片，大呼「會否太癲！」。

大量海味臘味被丟棄　男子撿走照吃

有網民猜測因為已過食用期限才會丟棄。雖然樓主未有拍下罐身食用期限到何日，但指即使已過期也不介意，照樣開了罐鮑魚配搭杯麵食用，直言「正常人係睇限期，我就係睇食物質素！唔通未過期發霉都食咩！」。

樓主吃完鮑魚出門　再驚見大堆海味臘味

當樓主享用完鮑魚再出去，竟發現垃圾桶旁的黑色膠籃再放有1袋盒裝及袋裝海味臘味，包括鮑魚、鮑魚汁、鮑魚麵、乾瑤柱及臘腸膶腸，大呼「食完再出去，點知仲癲！」。其中1袋鮑魚包裝印着「此日期前最佳」為2024年11月24日，即已過期1年多，樓主同樣未有介意全部收歸己有。

網民紛紛笑言，「試下再食埋呢堆，再出去睇下」、「啲海味愈食愈多」、「個天知你辛苦呀，所以畀你補下」、「我覺得是有心人為你準備的」、「都話咗你嗰邊，嗰啲人好有錢㗎啦！」、「真係有呢啲人唔識㗎，我朋友個老竇竟然掉晒佢太太啲燕窩，又係話發霉掉晒」。

瑤柱現白色粉末引熱議　網民：擺得耐致鹽霜浮面

有網民表示，「臘腸如果放得耐應該有饐（音：益）味」、「江瑤柱而家好貴（如果唔係發霉真係發達），大5毫子少少size都成600蚊斤」。

有自稱熟知海味的網民指出，「唔係發霉啊！係擺得耐，嗰啲係鹽嚟㗎！我放入雪櫃都會有，好心唔食就送畀人啦！咁掉法真係好折墮！」。

有網民認同樓主想法，「我永遠都係睇食物質素，過期同變壞不是等號」、「罐頭如果壞咗會脹起」。不過樓主笑言，「我執咗罐過期12年唔敢食，留返餓死先食」。

瑤柱現白色粉末可否繼續食用？

根據尚品花膠專門店網頁資料，瑤柱是否發霉可從兩點分辨。若表面出現白色粉層，代表乾瑤柱內的鹽霜浮面，存放時間愈久，出現鹽霜的機率愈高，而發霉則帶有綠點，用肉眼即可輕易分辨。一般情況下瑤柱帶有濃烈香味，帶有鹽花的瑤柱氣味更香濃，發霉的瑤柱則不會帶有瑤柱香味。

若瑤柱剛開始發霉，只出現少許綠點，安全起見最好扔掉，發霉後的霉菌會滲透到瑤柱內部，即使洗淨瑤柱表面亦無法徹底清除霉菌，而且霉菌會產生有毒物質，不建議食用。

（facebook群組「Oh Yes!有野執(報料群組)」）