無論推着手推車、嬰兒車還是行李箱，都應乘搭升降機！有港女生近日到韓國旅行，於仁川國際機場遇上驚魂一幕，有旅客1人推着兩個行李箱，卻未有選擇安全地乘搭升降機，而是搭扶手電梯，結果失手其中1個行李箱滾下扶手電梯，發出巨響，女生大呼「勁恐怖」，直言「真係行慢少少，我就做咗被鏟起嗰個」。

該港女生5月16日於Threads發文憶述事件，事發於韓國仁川國際機場，女生剛搭完扶手電梯到下層、走到旁邊不久，就突然聽到身後有巨響，「見到個喼飛緊落樓，太驚訝影唔切」。

旅客推兩行李箱搭扶手梯　前喼滾下傳巨響

女生指出，平日看過不少影片，「啲喼飛落扶手梯，撞跌前面嘅人」，直言「真係行慢少少，我就做咗被鏟起嗰個」。她大呼事件恐怖，「諗返都害怕，以後喺機場落樓都係留心啲好」。

女生：1個人2個喼，你就搭𨋢啦

女生說，該旅客1人推着兩個行李箱，批評「OnX真係無分地域，1個人2個喼，你就搭𨋢啦」。她又表示，「好彩條梯唔係好斜嗰啲，唔係真係再火箭速度飛落嚟」。她拍攝的影片見到，該旅客是位年輕男子，事後扶着身後1個行李箱，慢慢等扶手電梯落到地面。

有網民留言批評，「其實兩個行李也未必最重點，班人落時行李放自己前面，上時放自己後面，跌就由它撞傷他人，無被當場捉住就不道歉逃之夭夭，自私又無恥的心態才是問題所在」，女生認同並回覆「落嘅時候放前面真係好危險，擋住視線，個喼踏唔實嗰1級，好易失重心，害人不淺」。

（Threads@cherry_hotaru）