女性懷孕後，最希望當然「大小」平安健康。一名準媽媽日前在Threads表示，晚上約了Carousell賣家進行交收，對方是一名「望落就好親切」的中年婦女，雙方當場聊天，樓主提及自己懷孕，「早一個月出血，返唔到公司」，所以之前無法交收。

完成交收離開後，樓主翌日收到陌生人訊息，對方提及樓主看完醫生後「要多臥床休息，願一切安好」。樓主不知道對方身份，於是立即詢問，對方表示自己就是該名Carousell賣家，樓主大受感動，回覆「多謝關心，好warm」。

收到呢個message真係喊出嚟！

樓主形容，賣家行為非常窩心，雖然目前沒有出血，但發現有一個大約7厘米大的卵巢瘤，未知是否惡性，相信並非水瘤，由於身體情況尚未穩定，為免父母和老爺奶奶擔心，所以沒有向他們交代，只能單靠丈夫分擔，「情緒一直積住」。

被一個陌生人關心，我真係覺得香港人真係世一！

帖文引來許多網民討論，紛紛安慰樓主切勿太擔心：

「有需要就要講出嚟，唔好收埋自己呀！」
「希望一世順順利利！香港真係好多好好嘅人㗎，祝福你」
「祝媽媽大小平安，送上最大祝福」
「祝你平平安安，順順利利」

大量過來人分享自己經歷，同樣大小平安：

「我20幾年前同你一樣又係陀緊2個月時，有個卵巢瘤，係良性的」
「我曾經都有，仲有畸胎瘤，但佢會自己消，要定期檢查，有咩事就切咗佢，everything will be fine」

樓主事後回覆「估唔到一瞓醒，就收到咁多祝福同鼓勵，多謝大家」。

希望呢個post都將祝福畀到各位媽媽們，真係好感恩！

（Threads@keepbooking_）