新公屋4部升降機層層停?網民憂返工低層難等𨋢 網民話係好設計
住在大廈高層,每朝返工最怕等升降機!近日有公屋網民在社交平台Threads發帖,發現該新公屋「每層有4部升降機,十幾個單位用」,本以為「有著數」,但看過升降機按鈕板後,擔心「朝早返工低層的點算?」,又怕「有人惡搞層層按齊」。許多人認出該處為觀塘新公屋曉茵邨,提到以往舊屋邨普遍會把升降機停靠樓層分類,「做咩唔單層雙層分開用」,亦有網民指新式升降機可用電腦更改停站設定,其實可以再調節。
樓主在Threads發帖分享2張照片,第1張是升降機大堂及走廊,升降機門框仍包着木板,牆上可見「16」字樣、第2張是升降機內的按鈕板,排滿不同樓層的按鈕,由1樓到39樓,部份被木板遮擋,相信落成不久。他表示該新公屋每層有4部升降機,以為是一大優勢,「但睇見個panel,朝早返工低層的點算?有人惡搞層層按齊,點算?」,即擔心該升降機可以停每一層,萬一很多樓層住戶同時搭乘會「層層停」。
帖文引起討論:
「低層就行樓梯啦!可能仲快啊!」
「嘩咁多層逐層停真係等到喊」
「竟然1至40樓用同一部?!」
「早幾分鐘出門囉,夠你由頂搭到底層層停」
「邊個設計咁onX,做咩唔單層雙層分開用,舊時公屋6部lift分3類」
「業旺邨業和樓都係四部升降機均服務3至40樓,且嗰度部升降機得2.5 m/s,呢度有3.5 m/s」
「下,私樓都係咁㗎喎,唔想住嘅可以放返畀其他人住」
「通常分高中低層,好少一部跑晒每一層」
網民憶舊公屋升降機分高中低層
多名網民憶述舊公屋的做法,大多會就樓層作出分類,例如分開1至15、16至28、29至40等,「幾十年前公屋得十零層﹐仲要隔幾層先停」。但又認為升降機分組也有壞處,「高、中、低層各有兩部,我之前住30/F用高層電梯嘅,但高層電梯係29/F至40/F,所以朝早返工好多時都已經喺40/F落嚟塞到爆晒,我就要行落兩層去28/F中層電梯」、「舊式嗰啲先戇X,一部換零件玩足半年行足半年」。
網民指新設計可透過程式設定彈性改停站
有網民寫下長留言解釋,指公屋升降機的新設計應該是汲取了其他屋苑的經驗,「佢係汲取咗其他屋苑嘅經驗,所以先咁設計,有啲屋苑一層得兩部𨋢,壞咗一部,得返一部就痛苦,起碼啲𨋢係層層都停到」、「隨時可以電腦控制更改一層兩部,四部梅花間竹又得,高低層分又得,每一層都到又得」,日後升降機維修時亦可彈性更改程式設定。
部份網民看圖認出拍攝地點是觀塘曉茵邨,教路住戶可在10樓或地下離開,10樓出較近巴士站,「其實變相已經分咗流」、「呢個設計有料啊」。對於樓主擔心有人「惡搞」,網民認為「而家啲升降機按錯可取消,按兩下就可以」。
翻查房委會資料,曉茵邨位於觀塘北曉明街,是新落成的公屋,有健茵樓及滿茵樓2座,共提供1,088個出租公屋單位。房委會為該邨舖位招租的文件列明,住宅單位預計2026年6月開始入伙。
升降機等候時間因屋邨實際情況而異
房屋署2025年6月就葵青區議員建議在屋邨升降機等候區設置「關愛座」時曾作書面回覆,表示房委會轄下所有升降機「均符合建造時生效的《升降機及自動梯條例》及《建築物條例》的要求,並按標準設計建造」,又指「升降機的等候時間因應個別屋邨的實際情況(如人口密度、使用模式等)而有所不同」。同一回覆提到,房委會2024年9月推出的《幸福設計指引》,是新建公營房屋項目的設計參考,包括在電梯大堂提供倚座或休息設施。
(綜合)