大專生的士遺MacBook 筆記印「李家超」神助攻 司機成功尋失主
好人好事!有的士司機在社交平台帳號發文,指有就讀香港大學專業進修學院(HKU SPACE)的女生乘車後,遺留手提電腦及筆記在車內,他於是公開尋人,呼籲失主盡快聯絡他。帖文引來不少網民「幫推」,同時大讚樓主「的士界清泉」。
相隔約12小時後,失主現身感激樓主,又表示下車時曾經多付車資,對方亦誠實退還,「估唔到佢仲執返我部MacBook,仲咁有心出post搵失主」,激讚對方「靚仔又心地好」,網民因此祝願對方,「好人一生平安」。
大專院校女生搭的士遺留MacBook 司機網上急尋失主
該的士司機於周三(11月18日)凌晨2時許在threads帳號「clifford_hei22」發帖,並上傳多張照片,顯示他在車廂內拾獲一部MacBook手提電腦,以及一份屬於HKU SPACE的筆記,而MacBook顯示物主英文名為「Chloe C」,樓主於是公開尋人,請對方主動聯絡他取回物品,否則翌日將會送往警署,同時標籤「漏嘢」、「的士」、「oma by the sea」、「屯門」、「李家超」及「荃灣」。
課堂筆記封面印行政長官「李家超」!
樓主再在留言區上傳照片,詢問「有冇佢同學幫手認領下?」,顯示MacBook最初是由1個黑色Kate Spade電腦袋盛載,而筆記封面有大字寫上「Topic 8 Organizing(Organizational Culture)」字樣,下方則印有1張行政長官李家超照片,以及英文引述。
網民激讚樓主:好人有好報
許多網民留言大讚樓主,又笑稱「開頭諗點解要hashtag李家超係咪想博流量密碼,點知原來真係有」:
「的士界清泉」
「成部MacBook都可以漏,好彩司機好心,幫推」
「唔見咗嘢應該都嚇死佢」
「祝樓主路路綠燈、又有泊位、載嘅係好客同爆單」
「好人一生平安」
失主現身揭小插曲 讚揚司機:靚仔心地好
而失主Chloe C在帖文發布12小時後、即周三下午現身留言,大讚樓主「人又靚仔,心地又好」,透露當晚原來另有小插曲,因為她繳付車資時「畀多咗錢」,獲樓主即時退款,形容當下已經覺得感動。
估唔到佢仲執返我部MacBook,仲咁有心出post搵失主,呢啲真係人靚心更靚,希望大家一齊畀個讚佢
講師筆記神助攻? 失主:全靠上面印咗李家超
「Chloe C」解釋指當晚下課後太疲倦,形容「個腦已經放咗工,落車完全唔記得拎部MacBook,大頭蝦到自己都驚」,她感謝熱心網民們幫忙轉發帖文,使「論盡」的她收獲眾人的善意,「感恩香港有咁多好心人」,承諾往後會將善意傳播下去。另外,她特別鳴謝HKU SPACE譚姓講師,大讚對方教學方式幽默,連筆記都有「節目效果」,更笑稱「全靠上面印咗家超,幫個尋物post嘅演算法踩埋油門」,才令她可以尋回物品。