吳浩康Chok聲還原八位廣東樂壇巨星 唔睇畫面以為播緊CD!

撰文:黃浩晉
出版:更新:

吳浩康日前發佈短片《失憶廣東歌備忘錄》,一口氣唱扮聲盡將四大天王、張國榮、Beyond、陳奕迅、古巨基,在云云「唔聽K-Pop聽乜呀」的潮流中,向樂壇各位巨星致敬,勾起大家的集體回憶。勢估唔到,吳浩康當年憑張學友的《藍雨》參加新秀,但竟然唔係扮學友最似,而係扮哥哥張國榮。

吳浩康在短片中用回本名「吳偉男」,飾演一名好唱口的唱片店店員,遇上一個想買K-Pop唱片年輕人,當聽到他說:「依家唔聽K-Pop聽咩吖!」阿Deep即刻上身唱出首首經典廣東歌,實行震撼教育那位年輕人。

勁爆我撐歌曲: 《船頭尺》吳浩康。(資料圖片)

那位年輕人並不熟悉經典廣東歌,阿Deep問他懂不懂Beyond,豈料對方只懂Beyoncé,見狀Deep馬上拿起結他唱出Beyond的《灰色軌跡》,唱腔還參考了黃家駒的特色,那些滄桑的高音與鼻音非常到位。

唔識Beyond?阿Deep即刻唱番首《灰色軌跡》過你聽!(影片截圖)
Beyond在香港搖滾樂迷心中,有著不可動搖的地位。(按圖放大)(資料圖片)
+1

年輕人聽完《灰色軌跡》後覺得太沉重,想找「靚仔、萬人迷」類型歌手,阿Deep聞言馬上唱出張國榮的《左右手》,還學了哥哥的字正腔圓,以及磁性深情的唱腔。

連畫面都變埋黑白,誠意十足向哥哥致敬。(影片截圖)
唔好講咁多,即刻重溫張國榮嘅靚相先!(按圖放大)(資料圖片)
+3

唱完張國榮的《左右手》,還是未能打動年輕人,他還表示想找韓國Idol感覺的歌手,阿Deep說:「Idol?有咩Idol勁過四大天王呀?」然後一個華麗轉身扮劉德華唱出《暗裡著迷》。

黑白Tone再加牛仔恤衫,一睇就合扮緊華dee啦!(影片截圖)
點擊睇更多華仔靚相!(按圖放大)(資料圖片)
+4

年輕人嫌《暗裡著迷》太sad,阿Deep馬上唱黎明的《夏日傾情》中和剛才的苦味,還學足黎明厚實的鼻音,就連每句的尾音都跟足。

如果你認到呢一幕係致敬緊《夏日傾情》MV,相信你都有返咁上下閱歷。(影片截圖)
黎明真係keep得好好,睇相你就明㗎喇!(按圖放大)(資料圖片)
+4

扮完劉德華與黎明,又怎能沒有張學友,吳浩康當年參加新秀就是唱出《藍雨》,在片他還學足歌神的「蘭花指」,果然入型入格。

歌神蘭花指一出,唔使聽聲都知扮緊張學友啦!(影片截圖)
即刻重溫歌神以往開騷的精彩時刻!(按圖放大)(資料圖片)
+4

年輕人口味挑剔,希望找到像韓星一樣能唱能跳的歌手,阿Deep即刻話:「一個香港只有一個舞台王者!」馬上戴起花花眼鏡唱出《失憶諒解備忘錄》。

呢個係致敬《失憶諒解備忘錄》MV嘅造型。(影片截圖)
舞台王者——郭富城!(按圖放大)(資料圖片)

原來那位「挑機」的年輕人剛巧失戀,阿Deep告訴他失戀聽韓文歌怎會到肉,馬上唱出古巨基的《傷追人》,這首歌也是8、90後唱K必點的作品,當然還要扮基仔出名的假音。

點擊重溫基仔開騷的靚相(按圖放大)(資料圖片)
+1

唱完首首經典歌,怎能沒有陳奕迅,Eason是眾多樂迷心中的歌神,而且他有「感染王」之稱,每首歌背後的故事由他去演繹,都能令人全情投入,彷彿自己就是曲中主角一樣。

《浮誇》你冇可能冇聽過!(影片截圖)
聽陳奕迅,識聽一定聽Live!相信冇咩人會反對!(按圖放大)(資料圖片)
+4

其實今次《失憶廣東歌備忘錄》是宣傳阿Deep將於12月30日假麥花臣場館舉行的《2019+1》演唱會,看過上述文字版形容,想聽埋聲記得睇:https://youtu.be/omgL_QEm1Pk