Dear Jane開線上音樂會 邀阿冰合唱《銀河修理員》成最大亮點

撰文:劉傳謙
出版:更新:

近日推出新歌《哀的美敦書》的樂隊Dear Jane,日前應YouTube邀請舉行《YouTube Music Night 線上音樂會》,除唱出《經過一些秋與冬》、《2084》、《永遠飛行模式》等近年代表作,更首次現場演繹新歌。唱到一半,他們更邀請網台「小薯茄」成員阿冰合唱今年大熱的《銀河修理員》,亦是當晚觀眾最期待的環節。

阿冰為《銀河修理員》MV擔任女主角,因此Dear Jane在宣傳歌曲期間不時與「小薯茄」成員互動,更曾與另一位成員麗英合唱。今次他們則邀請阿冰參與演出,但導演高Ling透露:「記得嗰陣問阿冰嘅時候,我哋都覺得佢有好大機會話『吓!我唔得㗎喎!唔好啦』,於是諗定啲後備plan去說服佢,但點知佢一下就應承咗!」阿冰在演出時略顯緊張,音量較小,但Dear Jane仍覺得對方表現值得一讚。她指:「我因為呢一個live去咗上3堂唱歌班。」主音Tim不敢相信,更指對方相當窩心。不過當結他手Howie希望阿冰應樂迷要求再唱一首歌時,她卻馬上轉話題:「我噚日(前日)有睇你哋(《哀的美敦書》)嘅MV呀,不如你哋唱你哋首新歌啦。」Dear Jane亦相當識做,獻上新歌《哀的美敦書》現場演繹的第一次。

+2
點擊大圖重溫阿冰喺《銀河修理員》MV嘅精彩鏡頭。
+12