《大AL的音樂歷程》演唱會將於8月21日在數碼港商場中央表演場舉行，為隆重其事日前舉行記者會，圈中不少好友出席支持，包括盧海鵬、夏韶聲、陳友、鄭子誠、謝雪心、姚正菁等等！

大AL笑稱「氣功歌手」宣佈開個唱

大AL上台時，好友台下不斷歡呼拍掌，陳友更不時高呼演唱會日期和地點，認真夠老友！大AL表示新場地開個唱，笑言屬「熱身騷」沒賣飛壓力：「加場要睇場地有冇期畀我，依家我只係想享受舞台，做自己想做嘅事。陳友呢個係好兄弟，我未諗要佢幫手啲咩，我哋係好朋友成日去佢屋企食飯。」

大AL表示依家屋企練功，笑言係「氣功歌手」：「因為我而家唱歌會同屋企人講『你哋去行街，我練氣功啦！』，其實唱歌都係練氣功嘅！」

姚正菁自爆向韋綺珊拜師學唱歌

同場嘅姚正菁就自爆在大AL個唱「首唱」，依家充滿壓力日日練歌：「我依家日日都搵韋綺珊學唱歌，老師都話我有進步嘅，不過要上舞台都係有啲啲驚，幾十歲人唔好理咁多啦，享受吓做新人嘅感覺，希望大家到時係掌聲唔係『柴台』啦！」