本港近期發生多宗懷疑「狗咬狗」和「狗咬人」的慘劇，引來全城關注。Facebook群組「香港突發事故報料區及討論區」今日（23日）凌晨流傳多張圖片和影片，顯示屯門富盛街18號一個屋苑對出，有4隻無人看管的狗隻大肆圍攻一輛停泊上址掘頭路的私家車，其中一隻用口強行扯開車頭泵把，其餘3隻上前觀看，有一隻爬上車頭冚位置，場面相當驚嚇。

圖中可見，4犬見到警車後一度停留，繼而走到附近屋苑門口，因設有鐵閘，所以無法進入。

帖主表示，「我朋友幫佢報左警啦」，警員約10分鐘後到場，4犬見狀離開，私家車「條頭泵把成條甩左出嚟」。許多網民留言指「呢期啲狗真係惡」、「泊咗隻狗個陀地位」、「真係慘，保險都唔受理」。

警方回覆《香港01》查詢時表示，今日（23日）凌晨3時31分，接獲一名女子報案，發現住所附近有一輛私家車遭到4隻狗破壞。警員到場發現私家車車身有刮痕，車頭泵把損毀，聯絡車主跟進，列作「流浪動物」處理。