網購攻略

【剷屎官必睇】氹掂主子必備四大智能神器!實力 顏值都兼具!

撰文:小甘
出版:更新:

毛孩對於每一位剷屎官嘅意義絕對唔單止係「寵物」咁簡單,更係佢哋嘅心肝寶貝。但係作為一名打工仔,每日可以陪喺毛孩身邊嘅時間真係好有限。即使想要畀最無微不至嘅照顧毛孩,最終都敵不過現實—返工搵食。但係其實有冇諗過寵物智能用具可以幫到你大忙呢?寵物智能用具能夠輕鬆打破距離界限,遙距照顧毛孩,唔使再擔心佢哋一個人有冇水飲、肚仔餓唔餓呢啲問題。想知道究竟係咩咁利害就即刻Click入上面影片睇睇喇!

1. PETKIT 寵物智能餵食器 ¥699

身為打工一族幾乎每日都要早出晚歸,即使約咗朋友都唔敢太夜返屋企,深怕毛孩要捱肚餓,諗起都覺得心痛。但如果屋企有一部定時餵食器,以後出街就唔使心掛掛,更重要係唔怕毛孩會餓親喇!PETKIT寵物智能食器可以自行調教餵食時間,只要下載PETKIT手機App,就可以喺App上設定每日餵食嘅時間及份量。只要時間一到,PETKIT餵食器就會自動出糧。以後即使趕唔切返屋企,都可以透過App遙距餵糧喇!

+7

PETKIT寵物智能餵食器以360度密封設計,完美阻隔空氣,防止糧食氧化。內置乾燥劑盒,有效防潮,鎖住新鮮,鎖住營養。而且,PETKIT餵食器係全可拆式設計,不論係儲糧桶或餵食盤都一一可以拆開,主人清潔起上嚟就更方便更省心喇!

2. PETKIT智能飲水機​ ¥229

想要毛孩身體健康遠離腎病?咁就一定要培養飲水嘅良好習慣!如果你家毛孩都唔太鍾意飲水,不妨試下入手PETKIT智能飲水機,皆因佢具有模擬湧泉設計,而流動嘅水比靜態水更加能引起毛孩注意同興趣,訓練毛孩愛上飲水就係咁easy!當然最優先考慮嘅必定係水質問題,PETKIT智能飲水機就設有四重過濾系統多重阻隔水中雜質,隔離毛髮、碎屑等異物。加強版濾芯採用高品質大直徑椰殼活性碳,過濾性更強,有效去除異味、餘氯。提提大家,濾芯最少一至三個月要更換一次喔。

+11

PETKIT智能飲水機比一般飲水機更智能,更多人性化功能,例如智能識別日夜模式、自動斷電以防燒乾水、設有指示燈提醒更換濾芯或缺水等等。另外強烈建議加配埋恆溫加熱組件,一但水溫低過25度就會自動加熱,確保水溫保持喺25度。有咗呢個溫度調節器,即使係大冬天都唔怕毛孩會飲到凍水而傷腸胃喇!

3. PETKIT寵物抗菌量重碗 ¥125.5

正所謂「病從口入」,毛孩除咗要食得健康、營養均衡之餘,仲要食得乾淨。若果糧碗冇定時清洗,隨時會滋生細菌,一個唔覺意食咗落肚,搞到肚柯就手尾長喇。所以想要毛孩食得更安心,可以先由糧碗入手。PETKIT寵物抗菌量重碗主打抗菌功能,以BioCleanAct™抗菌材料製成,此技術通過美國FDA及韓國FDA雙重認証,有效抑制大腸杆菌、金色葡萄球菌等易引起腹瀉嘅細菌。不過,記得都要定時清洗糧碗,千祈唔好懶啊!糧碗全身都有防水設計,清潔更方便!

+3

記得下載埋PETKIT手機App,只要喺App內輸入毛孩基本信息(例如體重、品種、年齡等等),App就會提供量身定製嘅食量建議,而糧碗仲會顯示重量,以後餵毛孩食飯飯就可以更準確,唔怕餵多或餵少喇!

4.PETKIT寵物智能淨味器 ¥165.8

有時毛孩去完便便,即使有定時剷屎,房間都會有陣揮之不去嘅味道。如果邀請朋友上門作客都難免有點尷尬。其實想保持屋企環境清新都好簡單,只要有空氣淨味器就可以同臭味講ByeBye喇!PETKIT寵物智能淨味器Size迷你,只要懸空貼喺寵物廁所上方,就可以透過紅外線感應毛孩出入主動噴射淨味分子及負離子。內附植物淨味濾芯,所釋放嘅淨味分子可捕捉異味源頭,從源頭上分解氣味,做到長效持久祛臭。而負離子同時能夠吸附空氣中微細粉塵及懸浮物抑制細菌繁殖,並兼具降塵功能,從而淨化空氣。

+3

想要將最好嘅畀毛孩,不妨入手以上四大智能神器喇!

(產品資料以官方最新發佈為準)

唔想錯過任何網購限時優惠?立即 Like 《一網打盡》Facebook專頁同加入Telegram Group啦!你仲可以拎到獨家優惠碼及禮品𠻹!

👉按此讚好《一網打盡》Facebook專頁👈

👉按此進入Telegram優惠碼發放區👈