【復仇者聯盟3】結局太驚嚇觀眾要心理輔導？ 有人激動暈倒送院
撰文：陳穎思
出版：更新：
Marvel十年大作《復仇者聯盟3：無限之戰》（Avengers: Infinity War，下稱《復仇者3》）已上映數日，未知各位觀眾入場睇戲未？對電影結局又有何感想？美國有不少觀眾看完《復仇者3》十分激動，不單有人話要接受心理輔導，更有觀眾散場時暈倒送院。
奸角Thanos前所未有咁勁抽，相信仲未入場嘅觀眾都好擔心有幾多復仇者遭殃。
美國比香港遲兩日才上映《復仇者3》，觀眾看過電影後紛紛於社交網站分享感想，雖然絕大部分都好守規矩沒劇透，但幾乎所有人都對結局表示震驚，以下節錄的反應相當有趣：
「有冇《復仇者3》嘅心理輔導小組…」
「我睇到3分1套戲開始喊，喊到完場，個人好似被挖空咗，我行唔到直線同諗唔到嘢」
「當《復仇者3》散場之後，全部人幾乎寂靜咁行出去，消化吓剛剛睇咗啲咩，我第一次見到咁嘅場面，永遠都唔會忘記」
【有雷慎入】疑似《復仇者4》片名曝光 是驚嚇還是驚喜？【復仇者3】韓國觀眾不滿字幕亂譯 向青瓦台請願永久禁制翻譯家【復仇者聯盟3】Captain Marvel下集出場？ 7大逆天能力鬥Thanos美國2歲男童天生冇胸骨 靠偶像《鐵甲奇俠》同款裝甲保護心臟【復仇者聯盟3】Thanos最強黑暗軍團Black Order 有個似足佛地魔
「我起身之後，精神上仍然唔OK，返到屋企仲諗緊琴晚套戲發生咩事，我嘔咗…我好耐未試過傷心到嘔。天呀，點會有家長覺得帶仔女去睇呢套戲係好事，佢哋會有創傷」
「成套戲我最鍾意嗰Part係，當完場時有人大叫『乜X嘢』，成個戲院都有回音」
「你哋有冇試過心碎？去到一個程度係喊唔出，咩都感覺唔到，唔想食飯、講嘢、同埋做任何嘢？《復仇者3》會令你變成咁」
網民拍下有觀眾睇完《復仇者3》暈倒被送院一刻。（網上圖片）
有網民甚至分享某位觀眾看完《復仇者3》後昏倒被送院的場面，究竟結局有幾驚嚇先會令觀眾有咁大反應？已入場的你應該心中有數，而為了未入場的你著想，在此不作劇透，但作個最壞打算當心理準備亦無防。